Page 37 - Агабыт туьунан иьирэх тылынан

бөһүөлэккэ киһи көстүбэт кэмэ этэ. Ол кэнниттэн күһүөрү линия
тардыыта саҕаламмыта. Онно бастаан миэхэ көмөлөһөөччүнэн
биирдии-иккилии киһини биригэдьиир П.И. Аргунов биэрбитэ.
Кэлин Дмитрий Дмитриевич Бысыин анаммыта. Устунан кини
электростанция бастайааннай үлэһитинэн, уоту биэриигэ двига­
тель үлэлэтээччинэн, моториһынан анаммыта. Электростанция-
быт хантан эрэ көһөрүллэн аҕалыллыбыт ампаарга туруоруллубу-
та. Двигателэ ПЭС-15 диэн ааттанара. Бензининэн үлэлиирэ. Кини
кыамтата кыра этэ.
Күһүн алтынньыга Тиит Арыыга уоту бэриллибитэ. Ыаллар
дьиэлэрэ бары сырдатыллыбыттара. Уулуссаларга лаампалар сан-
даарбыттара. Нэһилиэнньэ үөрүүтэ сүр этэ.
1964-1965 сыллаах кыһыны Дмитрий Дмитриевич Бысыин
киэһэ, сарсыарда өрөбүлэ суох уоту биэрэн этэҥҥэ туораабыта.
Кини бэйэтин баҕатынан нөҥүө сылыгар 1965 сыл сайыныгар
электростанцияттан уурайбыта. Кини оннугар Василий Аргунов
үлэлээбитэ. ПЭС-15 кыамтата кыра буолан 1965 сыллаахха күһүн
60 ат күүһэ күүстээх дизельнэй электростанциянан солбуллубута.
Тиит Арыы электрическэй уота өссө киэҥник эбиллибитэ. Уулус-
салар бука бары сып-сырдыгынан чаҕылыйа тыкпыттара. Тиий-
бэт матырыйаалы наар Дьокуускай куораттан ситиһэн ылан стан-
циялар үлэлэрэ бары да тупсубуттара. Дизелист Василий Аргунов
элбэх сыл устата, хаһан ыалдьан уурайыар диэри, станциятыгар
бэрт үчүгэйдик, эҥкилэ суох үлэлээбитэ. Манна биири бэлиэтиир
наадалаах: электростанция көрүүтэ-истиитэ (ухаживайдааһына),
арахсыбакка кэтээһини-манааһыны, баһаарынай өттүнэн кутта-
ла, тыаһа-ууһа киһиттэн бэрт элбэх тулууру эрэйэр ыарахаттар-
даах үлэ буолар. Ханна да барарыҥ-кэлэриҥ, күүлэйдиириҥ, сүтэ-
риҥ сатаммат. Күннэри-түүннэри үргүлдьү тохтоло суох үлэлэтэр
кыһалҕалар эмиэ баар буолаллар.
Тиит Арыыга 1966 сыллаахха саас бастакы, улахан пилора-
маны Тандаттан илдьэн туруроран үлэлэппитим. Пилорамщик-
тар кэнники нууччалара буолбуттара. Бу пилорама Тиит Арыыга
хас да сыл үлэлээбитэ.
Мин бу суруйуубар оччотооҕу кэмҥэ Герой Егоров холкуос
председателэ Николай Ильич Кривошапкин туһунан бэлиэтээн
аһарыахпын баҕарабын. Кини уратылаах председатель этэ. Атын
председателлэргэ холоотоххо, үлэ-хамнас туһунан элбэхтик
кэпсэтэрин, үлэҕэ тугу гынан сүүйүөххэ сөбүн, ыйытарын, киһи
ис санаатын билэ сатыырын өттүнэн уратылаах этэ. Үлэҕэ-хам-
наска сыыһалары уонна ситиһиилэри тэҥнээн көрөн, ыйааһын-
наан, түмэн сыаналыыра уонна уопсай түмүгү «үчүгэй» эбэтэр
35