Page 39 - Агабыт туьунан иьирэх тылынан

Николай Матвеевич Иванов
хоһоонноро

Элбэх тэҥ остуолба дьылыспыт,
Электроуоттарын кый ыспыт,
Ыал ахсын ол сырдык тыкпыт,
Ыал араас түбүгүн туораппыт:
Ким күөс-ас өрүнэн холкуйбут,
Ким таҥас-сап сууйтаран нус буолбут.
Электро - ыал таптыыр дьукааҕа,
«Эй» диэбэт чаҕар уол ааттааҕа.
Бар дьоҥҥо үлэлиир кини баар,
Барыны сатыыр уус кини баар.
Саҥаны айары сатааччы -
Сайдыыны инники ыытааччы.

Олоххор, оҕоҕор, ыччаккар кэскиллээх
Олоҕу тут өрүү, Эһэлээх!
Олохпут хараҕа, кулгааҕа,
Олохпут силлибэт тутааҕа,
Олоххор урут дуол суохтары,
Олоххор саҥаны-сайдары
Оҥор, тут инники кэрэҕэ кимиилээх,
Үрдүккэ тиэрдиилээх
Олоҕу, саҥаны, Эһэлээх!
Оҕоҕор, ыччаккар кэскиллээх
Олоҕуҥ кэҥээтин, Эһэлээх!
Олоххун оҥоһун,
Олоҕу өрө тут, Эһэлээх!
Оҥор эн дьылҕаҕын,
Оҥорор олоххун салҕаан ис тускулгун,
Охтубат дьылҕаҕын сатаан ис, бул.
Охторбот тускулгун
Оҥкуллуур үлэҕин сатаан бул,
Оҥорор олоххор суол тобул,
Туһааннаах сайдыыгар суол тобул,
Туһаайбыт саҥаҕа
Туһалаах дьылҕаҕын (үлэҕин) сатаан бул.
Хаайтарбат саҥаҕа суол тобул,
Харса суох сайдыыга
Харгыстан тахсары сатаан бул.
Харгыһы тумнары, туорууру
Харысхал сайдыыга
Харыһык тыыр саҥаҕа

37