Page 41 - Агабыт туьунан иьирэх тылынан

Олохпут тохтууру буолуммат,
Аастаҕа урукку эргэ кэм,
Аан аста билиҥҥи сайдар кэм,
Ханна да сайдары көрөбүт,
Ханна да саҥаны сөҕөбүт.
Ыччатын дьэ сайдары батыстын,
Ычалаах олоххо хаамыстын.
Сахаҕа урут ол дуол суоҕа,
Сайдарбыт дьэ саҥа баар буолуоҕа.
Сахаҕа тыаҕа ол дуол суоҕа,
Саманнык сайдар кыах суох этэ.
Билигин сайдыы баар буолуоҕа.
Тыаларга сайдыы дьэ туруоҕа.

Сылайбат муҥ кыах көлөлөр
Сылайбат муҥ кыах көлөлөр баар буолтар,
Муҥутуур үлэлэр туолбуттар -
Ыксары от тиэнэн ааспыттар,
Ыраахтан ас, табаар таспыттар.
Тыраахтар, массыына ньирилиир
Тыаһыттан көй салгын титириир -
Сылайбат көлөлөр баар буолтар,
Сыралаах үлэлэр туолбуттар.
Ыраахтан табаар, ас аҕаалтар,
Ыбылы от тиэнэн ол аастар -
Оҕус, ат былыр ыалы ыал гынара,
Ол аны аччаабыт кыахтара.
Ыстаал ат бээҕинээн аҥааттар,
Ыксаабыт сырыынан тыраахтар
Ыгыччы от тиэнэн кыйаардар -
Оҕус, ат былыр ыалы ыал гынара
Ол аны аччаабыт кыахтара.

Киэһэрбит күнүм сөрүүн, чуҥкук,
Эппэр-хааммар ол уора дьайар.
Мэйиибин да иирдиэх курдук
Хара күлүгэ харахпар барыйар.
Суох, мин өрүү бэриммэппин,
Ол муҥун ыраах киэр кыйдыыбын.
Кимиэхэ да ол сорун эппэппин -
Сүүс өлүүнү туораан тыҥыыбын.

39