Page 5 - КУнду киьибитин

Аан тыл
Уус Алдан улууһун уонна Курбуһах нэ-
һилиэгин ытык олохтооҕо, «Бочуот Зна-
га» уордьан хаһаайына, СӨ доруобуйаҕа
харыстабылын туйгуна, үрдүк категория-
лаах стоматолог быраас, үлэ бэтэрээнэ, биир
дойдулаахпыт Матрена Николаевна Ховрова
төрөөбүт-үөскээбит улууһугар Бороҕоҥҥо оройуон поликли-
никатыгар өр сылларга үтүө суобастаахтык үлэлээбитэ.
Матрена Николаевна улууһун дьонун-сэргэтин тииһин
эмтээбитэ, оҥорбута, үтүөрдүбүтэ, дьон махталын ылбыта.
Медицинаҕа тиис эмтиир аныгы саҥа аппарааттарын үлэҕэ
киллэриигэ, саҥа эмтиир ньыманы, эми туһанарга бэйэтин
билиитин олоххо киллэриигэ утумнаахтык дьарыктаммыта,
дириҥник үөрэппитэ, үлэлэппитэ.
Мин Бороҕоҥҥо олорон үлэлиир кэммэр Матрена Нико-
лаевнаны кытта билсэр этим. Поликлиникаҕа көрүстэхпити-
нэ кэпсэтэр буоларбыт, дьонун-сэргэтин туһунан, туох сонун
баарын ыйыталаһааччы, мин дьоммун, аймахтарбын олус
билэр этэ. Айан суолугар эмиэ көрсөөччүбүн. Кини кыһыл
дьүһүннээх «Нива» массыынанан айаннаан иһэр буолааччы.
Биир дойдулаахтарыгар, курбуһахтарга, куруук көмөлө-
һөрө. Ыалдьар кэмнэригэр элбэхтик эмтээбит, сүбэ-ама
биэрбит, эминэн-томунан көмөлөспүт киһинэн билэбин, бар
дьонун-сэргэтин ааттарыттан истиҥ махтал тыллары ылбыта.

Владимир Николаевич Петров,
Курбуһах нэһилиэгин баһылыга