Page 8 - КУнду киьибитин

Күндү киһибитин ахтабыт кэргиэсг(иибит
барыллыбат. Оччолорго саахар диэн суоҕун кэриэтэ этэ. Ол иһин
сир аһын хаһан да хаһааммат этилэр, тута сиэниллэрэ. Аҕабыт
биирдэ эмэ куһуок саахар аҕалан, саха быһаҕынан быһыта ох-
сон барыбытыгар үллэрэр этэ, ону кэтэһэн остуол тула олорон
кулгаах, харах буоларбытын олох умнубаппын. Сороҕор миэхэ
кыра диэн биэрдэхтэринэ ытаһыылаах да буолара. Онно хаһан
да мөҕүллүбүппүтүн, таһыллыбыппытын өйдөөбөппүн, ол эрээ-
ри чыпчахай барахсан аан холуодатын үрдүгэр куруук анньыл-
лан турар буолара. Наһаалаатахпытына аҕабыт: «Дьэ, эрэ бүтүҥ,
сискит үөһүн тардыталыам», - диирэ. Ол сис үөһэ диэн туох
буоларын билбэтэрбит да уҕарыс гынарбыт быһыылаах. Со-
роҕор ийэм: «Саатар бу кыыспыт да хаалсыбат буоллаҕа», - диэн
сыыһа-халты охсон хаалара, мин онно таптарыам дуо, сыыһа
оҕустаран элэс гынан хааларым. Уолаттары кытта үөскээбит
буолан наһаа мэник, сытыы этим.
Биирдэ Афонялыын саҥа солооһуҥҥа дьэдьэннии диэн
бардыбыт, дьиэттэн көрбөттөрүгэр тимир курууска ыллы-
быт. Син үргээтибит быһыылаах, ол сылдьан Афоня куруус-
катын сүтэрэн кэбистэ. Көрдөөтүбүт да булбатыбыт. Иһити
сүтэрэн, дьиэҕэ киирэн сууттанныбыт. «Баран булан аҕалыҥ»,
- диэн буолла. Оччолорго иһит кырдьык да кырыымчык бөҕө,
үүйүүлээх эҥин иһиттэргэ аһыырбыт. Ытаһа-ытаһа төттөрү
бардыбыт, аны солооһун аллараа өттүгэр өтөх баар, киэһээрэн
хаалла, куттанабыт аҕай. Эмиэ мэлийэн сыҥырҕаһан төттөрү
кэллибит, дьиэҕэ ким да суох эбит. Арааһа киэһээҥҥи ыам буо-
луо, титииккэ сырыттахтара дии санаатыбыт, ол киирэн уту-
йан хааллыбыт. Аһыннахтара буолуо уһугуннарбатылар. Ким
эрэ солооһуҥҥа тахсан булан киллэрбит этэ.
Эдьиийбит Лөкүөйэ биһиги Ньүөкүнүгэ олордохпутуна
биирдэ эмэ кэлэн барара, кини ол кэмҥэ Быччыылыкка үлэ-
лиир курдук өйдүүбүн. Аҕам миигин наһаа атаахтатара, арыыч-
ча улаатан баран наар кинини кытта сайын, кыһын атынан
таһылларым. Ону кэлин өссө суруйуом. Аҕабыт атаҕар да, илии-
тигэр да тэтиэнэх киһи этэ, ол эрээри мин биирдэ да сүүрэрин
көрбөтөҕүм. Сылгы хаайыытыгар, хааннааһыныгар илиити-
гэр баардааҕын биллэрэр этэ. Эрдэ тулаайах хаалан балтынаан
Суоппуйалыын тус-туһунан ыалга иитиллибиттэр. Аҕабыт
Ховров Иван Ивановичтаахха (Уйбаанабыс), Ховров Толиктаах
эһэлэригэр, Суоппуйа Аммосовтарга (ийэтин дьонугар) иитил­
либиттэр. Төһө да хос эһэбит Лэгиэнтэй Уус (Сойбороҥ) аатыр-
быт тимир, көмүс ууһа буолбутун иһин аҕабыт салаҥ соҕус этэ.