Page 7 - КУнду киьибитин

оҕолору кытта оонньоон, сөтүөлүүрбүтүн умнубаппын. Соро-
ҕор эбэҕэ киирэрбитигэр булгунньахха тахсарбыт, сороҕор кэ-
ҥискэ сөтүөлүүрбут. Аара Сайыыттан хаптаҕас бөҕөнү, уктарын
тоһутан аҕалан, умуһахтан үүт таһааран, буккуйан сиирбит
уонна испит сараччы үллэн хаалан баран, хас сүүрэрбит аайы
«тыаһыы-тыаһыы» оонньуурбут. Сайылыкка мин саастыыта
кыыс оҕо суох буолан, наар уолаттары кытта тыаҕа моҕотой
эккирэтэн, отунан-маһынан оонньоон тахсарбыт. Бэрт кыл-
гас кэмҥэ А.С. Пухова балта Роза уонна Аанчык бааллара да
кинилэр эрдэ көспүттэрэ. Алдьаммыт таас иһит көһүннэҕинэ
онон оонньуурбут. Биирдэ эмэ сир хорута трактор кэлэр этэ,
ону дьэ куттана-куттана көрүү-истии. Биир умнубат өйдөбүл:
аан маҥнай техникаҕа олоруум. Аймахпыт Баһылай Аммо­
сов (Батараак) сир оҥоро тракторынан кэлэн миигин олордон
күнү быһа утуйа-утуйа (ип-итии, тыас-уус бөҕө) олорсубуппун
өйдүүбүн. Убайдарым сайын буолла да окко бараллара, уһун
ардах буоллаҕына биирдэ эмэ кэлэллэрэ. Ыаҕайанан Битири-
киттэн эбэбинээн уу баһар этибит, наһаа да үрдүк сыырдаах
этэ. Аҕабыт кэллэҕинэ эбэттэн бочканан, сыарҕанан баһар этэ.
Уу наһаа кэмчи этэ: төбө сууммут ууларыгар таҥас сууйаллар,
онтон дьиэ сотоллор. Сайылык дьиэтэ муостата суох буолан,
ууну ибиирэн эрэ кэбиһэллэр этэ. Оччолорго ыанньыксыттар 5
күҥҥэ түөртэ ынах ыыллара, ньирэй хомуйуута, үүрүүтэ, уула-
тыыта биһиги сорукпут этэ.
Сайын биирдэ оонньуу аҕай сырыттахпына эбэм дьиэттэн
тахсан тутан ылан, сиэтэн чулааҥҥа киллэрдэ уонна кыптыый
туттарда уонна: «Мэ, маны быһа кырый», - диэтэ. Онно көрбүтүм
- хараҥаҕа туох эрэ мөхсөр, чырылыыр, аттыгар ийэм сытар.
Мин куттанаммын кыптыыйбын быраҕаат, таһырдьа куоттум,
тугу эрэ хаһыытаатым быһыылаах, өйдөөбөппүн. Кэлин билби-
тим, быраатым Костя киинин быстара сатаабыттар эбит. Наһаа
куттаммыппын өйдүүбүн, «чөчүөккэ быһыылаах» дии санаабы-
тым, ол кэнниттэн хас да күн чулааҥҥа киирбэтэҕим. Ийэбит
наһаа ыараханнык оҕоломмута быһыылаах, олох хойут чулаан-
тан тахсыбыта. Оҕотун суута кыайан кэлбэккэ аҕабыт Быччыы-
лыктан баран атынан эдэркээн нуучча фельдшер кыыһы
аҕалбыта. Дьонум кэпсииллэринэн, ол кыыс уолу Костя диэн
ааттаарыҥ диэбит этэ. Сайын Ньүөкүнүгэ сир аһа аһара үүнэрэ:
эппитим курдук Сайыыга хаптаҕас кып-кыһыл буолар этэ, саҥа
солооһуҥҥа дьэдьэн кытара сытара бу баар курдук көстөр, Би-
тирикигэ ыт тиҥилэҕэ, эбэҕэ моонньоҕон, отон туһунан этэ да