Page 28 - Уруйдуогун улуу кыайыыны

Сэрии сылларыгар биһиги нэһилиэкпититтэн 84 чулуу уолан бэртэрэ
Ийэ дойдуларын, тапталлаах Сахаларын сирин көҥүлүн туруулаһа бар-
быттара. Кинилэртэн 46 буойун биһиги дьоллоох олохпут иһин сырдык
тыыннарын толук уурбуттара. Уоттаах сэриини туораан, 38 саллаат
төрөөбүт төрүт буордарыгар эргиллэн кэлэр дьолломмуттара.
Мин уоттаах сэриини туораан төрөөбүт төрүт буоругар кыайыы
КӨТӨЛЛӨНӨН эргиллибит, бэйэтэ турууласпыт эйэлээх олоҕун салгыы сай-
дарыгар, бэйэтин харыстаммакка үлэлээбит, дьиэ-уот тэринэн, 10 оҕону
күн сирин көрдөрбүт, удьуор ситимин салҕаабыт, саха норуотун иннигэр
ытык иэһин чиэстээхтик төлөөбүт хос-хос эһэм туһунан кэпсиибин.
Мин хос-хос эһэм Егор Яковлевич Румянцев Алдан өрүс унуор Чүүйүгэ
1924 сыллаахха элбэх оҕолоох дьадаҥы кэргэҥҥэ төрөөбүтэ, оной 1938
сыллаахха начаалынай оскуоланы бүтэрэн баран, «Үүнэр олох» холкуоска
үлэлии сылдьан, 1943 сыл от ыйын 1 күнүгэр армияҕа ыҥырыллыбы-
та. Кини империалистической Японияны үлтүрүтүүгэ кыттыбыта.
«Бойобуой үтүөлэрин иһин», «Японияны кыайыы иһин» мэтээллэрдээх,
1947 сыллаахха бэс ыйын 10 күнүгэр сэрииттэн эргиллэн кэлбитэ.
Дойдутугар эргиллэн кэлээт, түбүктээх үлэ үөһүгэр түспүтэ. Сытыы-
хотуу, кыайыгас, салайар дьоҕурдаах киһини тута таба көрөн, хонуу би-
ригэдьииринэн анааннар, үлэтин салайааччынан саҕалаабыта. Кини
эрдэһит, сылайарын-элэйэрин аахсыбакка, сарсыарда маҥан ат үрдүгэр
олорон, «Коммунизм» холкуос знамятын күөрэччи тутан, атынан сүүрдэ
сылдьан дьону үлэҕэ таһаарара. Бу знамята хос эбэбэр билигин да баар.
Хос-хос эһэм үлэттэн атыны билбэт, сарсыарда хараҥаттан киэһэ хара-
ҥаҕа диэри атынан ыраах учаастактарынан, хонууларынан, ходуһала-
рынан, хотоннорунан кыһын буоллун, сайын буоллун кэрийэрэ. Үлэни са-
табыллаахтык былааннаан, дьон кыһалҕатын өйдөөн туох баар кыаҕын,
дьоҕурун биэрэн үлэлээбитэ. Дьонун-сэргэтин дириҥ ытыктабылын ыл-
быт, үлэнэн үлүһүйбүт дьиҥнээх коммунист этэ.
Егор Яковлевич сыралаах үлэтин партия уонна правительство үрдүк-
түк сыаналаан, 1957 сыллаахха дойду тэбэр сүрэҕэр Москваҕа БСНХСБ-ҕа
баран күүлэйдиир чиэскэ тиксибитэ.
Хос-хос эһэм төрөөбүт Өспөҕөр 34 сыл салайааччы, тэрийээччи, ком­
мунист быһыытынан барыта дьонун, нэһилиэгин туһугар диэн үлэлээ-
бит үлэтин социалистическай куоталаһыы элбэх бэлиэлэрэ, партия обко-
мун, райкомун, Саха АССР Үрдүкү Сэбиэтин, комсомол обкомун, райкомун,
райсовет исполкомун, тэрилтэлэр бочуотунай грамоталара, дипломнара
кэрэһэлииллэр. Кини бойобуой сырыыларын гвардейскай аҕыс мэтээлэ
туоһулуур.
Хос-хос эһэм улахан дьиэ кэргэн амарах аҕата. Кини уон оҕото үчүгэй
дьон буолалларын туһугар, төһө да солото суох курдугун иһин, аламаҕай
сыһыана, холку сэмэй майгыта, ахсаабат болҕомтотун уурара, ис сүрэҕит-
тэн кыһаллара оҕолорун дьылҕаларыгар, иитиллиилэригэр кыһамньы-

-26-