Page 26 - Уруйдуогун улуу кыайыыны

Мин эбэм Варвара Гаврильевна Ханчаева - сэрии оҕото, 1940 сыллаахха
Уус Алдан оройунугар I Суотту нэһилиэгэр төрөөбүтэ. Ийэтэ (мин хос эбэм]
Ирина Даниловна Оллонова 1905 сыллаахха Түүлээх нэһилиэгэр төрөөбүтэ,
аҕата (мин хос эһэм] Гаврил Семенович Титов 1915 сыллаахха I Суотту
нэһилиэгэр холкуостаах кэргэнигэр төрөөбүтэ. Олорбут өтөхтөрө Ыт оҕото
диэн алаас эбит. Хос эһэм Гаврил Семенович сэриигэ барыан иннинэ механик
кууруһугар үөрэнэ сылдьыбыт^941 сыллаахха үчүгэй үлэһит буолан, дойду-
бут тэбэр сүрэҕэр Москва куоракка БСНХСБ-ҕа барарга анаабыттар. Хомойуох
иһин, атырдьах ыйын саҥатыгар бастакыхомуургахабыллан сэриигэ барбыт.
Украинаны босхолооһун кырыктаах киирсиитигэр хорсуннук охтубут. Хос
эбэм Ирина Даниловна сааһын тухары холкуоска, кэлин сопхуоска ыанньык-
сытынан үлэлээбит. Үтүө үлэһит буолан, нэһилиэк, райсовет депутатынан та-
лыллыбыт, сүөһүнэн бэриэмийэ да ылбыт, стахановец үлэһит эбит.
Хос эһэм бииргэ төрөөбүт быраата Аҕа дойду сэриитин бэтэрээнэ Кон­
стантин Семенович Титов 1920 сыллаахха төрөөбүтэ. Кыһыл Кырдал
оскуолатыгар икки кылааһы бүтэрбитэ. 1933 сыллаахха холкуоска киир-
битэ. 1942 сыллаахха Аҕа дойдуну көмүскүүр Улуу сэриигэ ынырыллыбы-
та, 1943 сыллаахха хомсомуолга киирбитэ. «Бэһис туспа ударнай батальон»
диэн чааска сулууспалаабыта. Бастаан Кавказскай фроҥҥа сэриилэспитэ.
Онтон Ростов, Малахов Курган иһин кырыктаах кыргыһыыларга кыттыбы-
та. 1943 сыллаахха автоматнай рота састаабыгар киирэн, Сталинград куо-
раты босхолоспута, Паулюс армиятын билиэн ылыыга кыттыбыта. Салгыы
1943 сыл атырдьах ыйын 15 күнүгэр Курскай Тоҕойдооҕу улахан хаан тохтуу-
лаах сэриигэ сылдьан, атаҕар бааһырбыта. Үтүөрэн баран, 5-с кавалерийскай
Донской, Б. Хмельницкай аатынан Суворовскай корпус 11-с дивизиятын 41-с
полкатын 4-с эскадронун пулеметнай взводун састаабыгар киирэн, Румыния
Бухарест куорат иһин кыргыһыыга сылдьан көхсүгэр бааһырбыта. Үтүөрэн
баран, Венгрия Будапешт, Австрия Вена куоратын, Чехословакияны босхо­
лоспута. «Хорсунун иһин» мэтээлинэн, Албан Аат II степеннээх орденынан,
командование махтал суруктарынан наҕараадаламмыта. Константин Семе­
нович сэрии бүппүтүн кэннэ төрөөбүт-үөскээбит дойдутугар эргиллиэн ба-
ҕарбыт да, кимтэн эрэ «Дьонуҥ, аймахтарыҥ бары сутаан, аччыктаан өлбүт-
тэрэ» диэн сыыһа сураҕы истэн, Кемеровскай уобаласка олохсуйа хаалбыт.
1946 сыллаахха диэри охранаҕа үлэлээбитэ. Онтон Кемеровскай уобалас
Мариинскай оройуонугар маҥнай милицияҕа, кэлин совхозка үлэлээбитэ.
1966 сыллаахха ССКП кэккэтигэр үүммүтэ, коммунистическай үлэ ударнига.
1973 сыллаахха эһэм Василий Филиппович Ханчаев кинини ирдээн булан,
төрөөбүт Тумулугар арыаллаан илдьэ кэлбит. Константин Семенович аймах
дьонун көрсөн уйадыйбыт, ахтыбыт, көрсөр күннээх эбиппин диэн наһаа
дьолломмут. Төрөөбүт дойдутугар төннөн кэлэн, «Лена» совхоз Элэһиннээҕи
учаастагар рабочайдаабыта. Олоҕун тиһэх сылларыгар Кемерово ҕа оҕолору-
гар төннүбүтэ, 1990 с. өлбүтэ. Оҕолоро, сиэннэрэ билигин Кемерово куорак­
ка уонна Суслово дэриэбинэҕэ олороллор.

-24-