Page 27 - Уруйдуогун улуу кыайыыны

Хос эбэм Ирина Даниловна Оллонова бииргэ төрөөбүт 12 этилэр. 4 биир-
гэ төрөөбүтуолаттар сэриигэ барбыттара, онтон биирдэрэ Прокопий Дани­
лович Оллонов сэрии толоонуттан эргиллибэтэх. Үс уол этэҥҥэ эргиллэн
кэлбиттэр, олортон үс сэрии кыттыылааҕа, Геройга кыайан тэҥнэммэтэх
аатырар сэрииһит Дмитрий Данилович Оллонов диэн киһи буолар. Ол кур-
дук, 1939 с. Халкин-Голга японецтары кытары сэриигэ, 1941-1945 сс. Аҕа
дойду сэриитигэр, 1945 с. иккистээн японецтары утары сэриигэ кыттыбы-
та. Килбиэннээх үлэтин иһин үс «Кыһыл Сулус», икки «Кыһыл Знамя», Мон­
голия народнай республикатын орденнарынан, элбэх бойобуой мэтээллэ-
ринэн наҕараадаламмыта. Майор Оллонов дойдутугар эргиллэн баран, 16
сыл Ис дьыала министерствотын систиэмэтигэр үлэлээбитэ.
Кыайыыны уһансыбыт ини-бии Тиитэптэр уонна Өрүүнэ, Миитэрэй
Оллооноптор ааттара хаһан да умнуллубатын, кинилэринэн киэн туттабын
уонна кэнэҕэһин кэнчээри ыччакка ситими быспакка хорсун быһыыларын
тиэрдэр мин ытык иэһим буолар.

ХОС-ХОСЭҺЭБИНЭН КИЭН ТУТТАБЫН

Румянцев
Егор Яковлевич

Өспөх орто оскуолатын
4-с кылааһын үөрэнээччитэ Рустам Сивцев.
Салайааччы Альбертина Петровна Федорова
Сири-дойдуну сабардаабыт, эйэлээх олохпутун ай-
мыырга соруммут, түөкүннүү саба түспүт фашистскай
Германияны Аҕа дойду Улуу сэриитигэр Советскай норуот үлтү урусхал-
лаан кыайыыны ситиспитэ 80 сылын туолар өрөгөйдөөх үбүлүөйэ үүннэ.
Аан дойдуну аймаабыт уодаһыннаах Улуу сэрии сыллара биһигиттэн
сылтан-сыл улам тэйдэр-тэйэн иһэллэр. Ол эрээри ол ыар сыллар иэдээн-
нэрэ, алдьархайдара хаһан да умнуллубаттар. Хос эбэм Ирина Егоровна
кэпсээниттэн хос-хос эһэм туһунан элбэҕи биллим.