Page 29 - Уруйдуогун улуу кыайыыны

лааҕа көстөрө. Кини хаалларан барбыт оҕолоро аҕаларын суолун тутуһан,
үөрэхтэнэн, үлэһит буолан, дьон-сэргэ ытыктыыр, убаастыыр дьоно. Егор
Яковлевич Румянцев удьуорун 10 оҕото, 24 сиэнэ, 45 хос сиэнэ, 4 хос-хос
сиэнэ утумнууллар.
Хос-хос эһэм ханнык да үлэни көрөн турбат сүрэхтээҕин, хайа да үлэ-
ни сатаан тэрийэрин, дьону кытта ханнык да балаһыанньаҕа тылын
ылыннарар дьоҕурдааҕын, ханнык да үлэҕэ сатабыллааҕын ахталларын
истэбит, астынабыт.
Аҕа дойду туһугар, төрөөбүт Өспөҕүн дьонун туһугар, нэһилиэгин
сайдыытын туһугар оҥорбута олус элбэх. Кини ол үтүөлэрин, үлэтин,
төрөөбүт-үөскээбит, үлэлээбит нэһилиэгин дьиҥнээх патриотун туһу-
нан кырдьаҕас аҕа көлүөнэ кэпсээннэриттэн истэн, мин хос-хос эһэм Егор
Яковлевич Румянцевынан киэн туттабын.

ДЬОММУТ КҮҮСТЭЭХ САНААЛАРЫН ХОЛОБУР
ОҤОСТОБУТ

Аммосов Пухова (Аммосова)
Александр Анна Александровна
Васильевич

Мүрү2 №-х орто оскуолатын 2-с кылааһын
үөрэнээччитэ Тимофей Тимофеев.
Салайааччы Алена Алексеевна Лонгинова

Мин хос-хос эһэм Александр Васильевич Аммосов
туһунан кэпсиэхпин баҕарабын. Кини 1910 сыллаахха
Курбуһах нэһилиэгэр Быһыттаахха төрөөбүтэ. 1930 сыл­
лаахха Курбуһах Бүтэйдээҕиттэн Мотрена Петровна Пестрякованы кэргэн
ылбыта. Онтон 1931 сыллаахха бастакы кыыстара Маруся төрөөбүт, онтон уол
оҕо төрөөн өлбүт, ол кэннэ 1934 сыллаахха мин хос эбэм Анна төрөөбүтэ. Хос
эбэм Анна 2 саастааҕар ийэтэ Мотрена ыалдьан өлбүтэ.
Хос-хос эһэм Александр Васильевич 1941 сыллаахха оройуоҥҥа сбер-