Page 35 - Уруйдуогун улуу кыайыыны

оҥорууга, хотон өрөмүөнүгэр, о.д.а. быстах үлэлэргэ көмөлөспүт. Онон
кини үлэҕэ эмиэ сэриигэ курдук иэһин чиэстээхтик толорбут.
Иннокентий Прокопьевич Бурцев Аҕа дойду Улуу сэриитин II степен-
нээх уордьанын уонна элбэх мэтээл кавалера.

ТӨРҮЧЧҮБҮН ҮӨРЭТЭРБИТТЭН АСТЫНАБЫН

Мүрү 2-с №-дээх орто оскуолатын
3-с кылааһын үөрэнээччитэ
Алгыстаана Старкова.
Салайааччы Алена Гаврильевна Аржакова

Үлэнэн киэркэппит үйэҕит,
Үлэнэн дьолломмут кэмнэргит
Кэнэҕэс ыччакка баай үөрэх,
Кэриэс тыл кэриэтэ буолуохтун!

Ханнык баҕарар киһи төрөөбүт-үөскээбит төрүт уус дойдулаах,
дьонноох-сэргэлээх. Хас биирдии оҕо бэйэтин төрдүн-ууһун, чугас аймах-
тарын үөрэтиэхтээх, билиэхтээх.
2025 сыл ыам ыйын 9 күнэ - Улуу Кыайыы 80 сыла. 2025 сыл Россияҕа
- Аҕа дойдуну көмүскээччи сыла, Саха Өрөспүүбүлүкэтигэр - Ийэ дойдуну
көмүскээччи сыла.
Сэрии диэн тыл хас биирдии киһи өйүгэр-санаатыгар ыараханнык
иһиллэр. 1941 сыллаахха фашистскай Германия биһиги дойдубутугар
сэриинэн саба түһэн, дьоммут олохторун алдьатан-айгыратан барбыта.
Сэбиэскэй Сойуус дьоно биир түмсүүлээх, санаалаах буолан, фашистары
1945 сыл ыам ыйын 9 күнүгэр кыайбыттара. Улуу Кыайыыны тэҥҥэ
уһансыбыт тыылга хаалбыт дьон - дьахталлар, оҕолор, кырдьаҕас,
ыарыһах дьон туох баар үлэни барытын оҥороллоро. «Барыта фронт,
барыта кыайыы туһугар» диэн салайтаран үлэлээбиттэрэ.
Биһиги эйэлээх олохпут иһин сэриилэспит дьоммутун умнуо суох-
таахпыт. Уус Алдантан 2187 киһи дойдутун көмүскүү сэриигэ барбыта,
959 эрэ киһи кыайан-хотон төннүбүтэ, 1228 киһи сэрии толоонугар
охтубут. Олортон биирдэстэрэ мин хос эһэм Егор Никандрович Копырин,
кини олоҕун билээри үөрэттим.
Хос эһэм 1901 сыллаахха дьадаҥы ыалга төрөөбүт, үөрэҕэ суох эбит.
Аҕата Никандр Николаевич Копырин. Ийэтэ Мария Петрова. Бииргэ
төрөөбүт төрдүөлэр: Дьөгүөр, Миитэрэй (Мэппэс Миитэрэй аҕата], Дэбдэ
(Суркуобунаи), Аана, Мааппа.
1929 сыллаахха «Эйэлээх» артыал бырабылыанньатын маҥнайгы
бэрэссэдээтэлинэн үлэлээбит. Кэлин 1932-40 сылларга «Кыһыл Маяк»
холкуостан кооператив таһаҕаһын таһар сындалҕаннаах сырыыларга

-33-