Page 40 - Уруйдуогун улуу кыайыыны

МИН ДЬИЭ КЭРГЭНИМ -УЛУУ КЫАЙЫЫ СОРҔОТО

Бурцев
Семен Иванович

Г.В. Егоров аатынан
Мүрү 1-кы №-дээх орто оскуолатын
2-с кылааһын үөрэнээччитэ Ян Васильев.
Салайааччы Елена Иннокентьевна Атласова

Мин ийэбинэн хос-хос эһэм Семен Иванович Бурцев II
Уус Алдан улууһун маанылаах Мүрү алаас хатыҥ Чараҥ бөһүөлэгин төрүт
олохтооҕо. Кини 1911 сыллаахха Хоро нэһилиэгэр Чараҥҥа төрөөбүтэ. Аҕа-
та Иван Егорович Бурцев, ийэтэ Гликерия Михайловна Бурцева-Птицына.
Бииргэ төрөөбүттэр: Александра, Гаврил, Семен III, Иннокентий. Эһэм оскуо-
лаҕа үөрэммэтэх буолан, 15 сааһыттан төрөппүттэрин кытта «Эйэлээх» хол-
куоска киирэн үлэлээбитэ.
1941 сыллаахха атырдьах ыйын 13 күнүгэр армияҕа ыҥырыллыбыта.
Үс хонон баран, биир дойдулаахтарын кытта 70-ча буоланнар кыргыһыы
толоонугар аттаммыттара. Мальтаҕа тиийэн 2 ый кавалерияҕа үөрэм-
миттэр. Арҕааҥҥы фроҥҥа генерал И.Т. Захаркин хамандыырдаах 49-с
армияҕа түбэһэн, 1941 сыллаахха ахсынньыга Ока өрүһү туораан, Сер­
пухов куорат туһаайыытынан кимэн киириигэ кыттыыны ылбыта. 1943
сыллаахха снаряд оскуолкатыгар уонна буулдьаҕа таптаран, иккис груп-
палаах инбэлиит буолан, төрөөбүт алааһын тыыннаах булбута.
Армияттан эргиллэн кэлээт, эһэм дойдутугар Хороҕо «Кыһыл
Маяк» холкуоска биир бастыҥ үлэһит буолбута. Сайынын көлөнөн от
оҕустарааччы бастыҥа, күһүнүн сиэмэни аппараатынан быстарыы
маастара эта. Оттон кыһынын от-мас тиэйээччи, тутуу үлэһитин бэрдэ
буолбута. Ол иһин кини сэрии кэннэ «1914-1945 сс. Аҕа дойдуну көмүскүүр
сэрии кэмигэр килбиэннээх үлэтин иһин» мэтээлинэн наҕараадаламмы-
та. Аҕа дойду сэриитин I степеннээх ордена, «Бойобуой үтүөлэрин иһин»,
«Германияны кыайыы иһин» элбэх үбүлүөйдээх мэтээллээх.

-38-