Page 39 - Уруйдуогун улуу кыайыыны

ХОС ЭҺЭМ ДАТА ҮЙЭТИТИЙЭР
Г

Нафанаилов
Гаврил
Иннокентьевич

Г.В. Егоров аатынан
Мүрү 1-кы №-дээх орто оскуолатын
4-с кылааһын үөрэнээччитэ Ваня Атласов.
Салайааччы Евдокия Васильевна Черкашина

Мин хос эһэм Гаврил Иннокентьевич Нафанаилов
1915 сыллаахха Уус Алдан улууһун Сыҥаах нэһилиэгэр
төрөөбүтэ.
Кини холкуоска сайынын окко, тутууга болуотунньугунан, кыһынын
от-мас тиэйиитигэр, булчутунан үлэлээбитэ. Сэриигэ 1943 сыллаахха
Кэбээйи оройуонугар үлэлии сылдьан ыҥырыллыбыта. Илин Япония сэ-
риитигэр сылдьыбыта. Эһэм ефрейтор званиелаах минометчик этэ. Хай-
лар куораты ылыыга сэриилэспитэ. Кэпсииринэн, саамай ыарахана Гоби
кумах куйаары туоруур марш-бросок үһү. Японецтар холуодьастары ба-
рытын алдьатан уонна дьаатынан сүһүрдэн элбэх саллаат кумах куйаар-
га хоргуйан уонна утатан өлбүт. Минометтарын бэйэлэрэ санныларыгар
сүгэн кумах куйаары туораабыттар. Кыайыы кэнниттэн билиэннэй дьоп-
пуон саллааттарын харабыллааһыҥҥа сылдьыбыт. Сэрииттэн 1946 сыл­
лаахха дойдутугар төннүбүтэ. Хос эһэм сэрииттэн кэлээт да, холкуоска
араас үлэлэргэ таһаарыылаахтык үлэлээбитэ. Кыһынын 4-5 атынан
фермаҕа от тиэйэр этэ. Моой үрэххэ таһаҕас таһыытыгар сылдьыбыта,
хойукка диэри бултаабыта. Хомойуох иһин, мин хос эһэбин көрбөтөҕүм.
Кини 1993 сыллаахха 78 сааһыгар олохтон туораабыта. Эһэм аатынан Лө-
гөй нэһилиэгэр булчуттар күрэстэрэ ыытыллыбыта.