Page 36 - Уруйдуогун улуу кыайыыны

кыһыны быһа сылдьыбыт. Е.Н. Копырин Дьокуускайтан 120 көстөөх
Моой Үрэххэ уонна 90 көстөөх Ааллаах Үүҥҥэ хас да көлө сэтиилэнэн,
кыһын устатыгар иккилиитэ таһаҕас түһэрэрэ. Бастакы кэргэнэ Дария
ыалдьан өлбүт. Киниттэн бастакы оҕото Ньукулай төрүүр. Кэлин Евдокия
Ивановна Орлованы кэргэн ылан, кыыстаах уолу төрөтөллөр: Аграфена
уонна Реворий.
Егор Никандрович Сэбиэскэй Аармыйа кэккэтигэр 1942 сыллаахха {
у от ыйын 23 күнүгэр иккис хомуурга ыҥырыллыбыт. Кини таптыыркэр^^^
гэнин Евдокияны, 4 саастаах кыыһын Аграфенаны, саҥа төрөөбүт уолун
Реворийы уонна бастакы кэргэниттэн уолун 13 саастаах Николайы ту-
лаайах хааллартаан барарыттан олус хараастыбыт. Саха АССР Чурап-
чытааҕы холбоһуктаах оройуоннааҕы байыаннай комиссариатынан,
эбэтэр Намнааҕы РВК-нан ыҥырыллыбыта буккуур курдук. Интернет
сайтарыгар икки араас РВК суруллубут.
Өлүөнэ өрүһүнэн устан, Усть-Кутка, онтон массыынанан Ангара өрүс-
кэ тиэрдибиттэр, онтон салгыы өрүһүнэн Иркутскайга тиийбиттэр.
Интернет источнигыттан көрдөххө, «26 злп» диэн сурулла сылдьар, ол
аата Уральскай уокурук Челябинскай уобалаһыгар Челябинскай куо-
ракка «Красные казармы» военнай городокка бойобуой бэлэмнэниигэ
сылдьыбыт. By сэриигэ өстөөх «Центр» армиятын 2-с танковай группатын
утары Жиздринскай операцияҕа эбит. Жиздринскай операция биир ый
курдук барбыт. Бу кырыктаах сэрии толоонугар ытык иэһин төлөөн, Егор
Никандрович 1943 сыллаахха кулун тутар 8 күнүгэр Калужскай уобалас
Дубнинскай оройуонун Пузановка дэриэбинэтин илин өттүгэр 1500 км
тэйиччи сырдык тыына быстыбыт. Ити сыл көмүс унуоҕа бырааттыы
ииҥҥэ көмүллүбүт. 1943 с. алтынньытыгар кэргэнэ Евдокия Ивановна
Орлова фронтан Егор Никандрович өлбүтүн туһунан «хара сурук», илдьит
тутар. Көмүс унуоҕа Высокое дэриэбинэ таһыгар, тыа саҕатыгар, 1943
сыллаахха үөскээбит бырааттыы көмүү иинигэр көмүс унуоҕа кистэнэн
сытар. 1950 с. манна Буда Монастырская, Ведровка, Ефремовка, Кожановка,
Коммуна «Большевик», Ленинский, Ливадия, Пузановка, Пустынка,
Пыренка, Славинка, Широковка, Ясенок нэһилиэнньэлээх пууннартан
биирдиилээн уонна улахана суох бырааттыы көмүллүбүттэр ииннэриттэн
буойуннар кырамталара көһөрүллүбүт. 1954 сыллаахха өйдөбүнньүк
туруоруллубут. Биир дойдулааҕа, иккис кэргэнин убайа Семен Иванович
Орлов эмиэ итиннэ көмүллэн сытар. Манна 90-с сыллардаахха уонна 2002
сылга 76 сэбиэскэй буойун кырамталарын ирдиир этэрээт саллааттара
булан көмпүттэр. Барыта 7422 буойун көмүллэн сытар.
2020 сылга диэри Егор Никандрович чугас дьоно, аймахтара ханна
көмүллэ сытарын билбэт этилэр. Өр сыллар устата көрдөөн, интернет си-
тимиттэн, архыып дьыалаларыттан Егор Никандрович докумуоннарын
булан, кырамтата кистэммит сирэ Высокое дэриэбинэ аттыгар баара би-
линнэ. Салгыы сиэнэ Егор Яковлевич уонна кини кэргэнэ Розалия Пет­