Page 72 - Уруйдуогун улуу кыайыыны

САЛЛААТ МЕДАЛЬОНА

Мин Иван Павлович Готовцев аатынан Тандатаа-
ҕы история уонна архитектура түмэлигэр харалла сы-
тар биир сэдэх экспонат туһунан кэпсиэхпин баҕарабын.
Бу саллаат медальона буолар. Бу медальону Ржев куорат эдэр сле-
допыттара 1990 сыллаахха муус устар 7 күнүгэр булбуттар. Кинилэр
«29-с Армия кэриэһигэр» диэн сураҕа суох сүппүт саллааттары көрдүүр
этэрээт эбиттэр. Бу медальон көстөн баран, 20-тэн тахса сыл кимиэнэ
буолара кыайан чуолкайдаммакка үөрэтиигэ сылдьыбыт. Аныгы тех­
нология сайдан, бу медальон суруга-бичигэ ааҕыллан, 2019 сыллаахха
Ржев куораттан Дьокуускай военкоматыгар сибээскэ тахсыбыттар
уонна Иннокентий Матвеевич Готовцев диэн сураҕа суох сүппүт сал­
лаат кимтэн-хантан төрүттээҕин чуолкайдааһын үлэтэ ыытыллан, Уус
Алдан оройуонун Байаҕантай нэһилиэгиттэн төрүттээх, оччотооҕу «Су-
лус» холкуос чилиэнэ Иннокентий Матвеевич Готовцев медальона буо­
лара биллэр. Кини атырдьах ыйын 12 күнүгэр 1941 сыллаахха Чурапчы
уобаластааҕы байыаннай комиссариатын ынырыытынан бэбиэскэ ту-
тан, сэриигэ бастакы хомуурга түбэһэн барбыт. 1942 сыллаахха Смолен-
скай туһаайыытынан сураҕа суох сүппүтүнэн ааҕылла сылдьыбыт.
Бу медальон корпуһа карболит, медальон иһигэр угулла сылдьы­
быт кумааҕытын көрдөххө, суруга-бичигэ көстүбэт гына барбыт эрээри,
анал уотунан тыктаран көрдөххө, костер эбит. Оччотооҕуга кумааҕыга
химическай харандааһынан суруйаллара. Бу саллаат медальонугар кини
аата-суола, ханна төрөөбүтэ, хантан сэриигэ ынырыллыбыта, дьиэ кэр-
гэнин туһунан суруллубут. Онно суруллубутунан көрдөххө, кэргэнин аата
Мария Федоровна Готовцева диэн.

- 70-