Page 58 - Мындааба спортсменнара

ындааба спортсменнара

ОСКУОЛАТААБЫ КЭМНЭРИМ

7 сааспын туолан 1956 сыллаахха Мүрү орто оскуолатын 0 «а» кы-
лааһыгар үөрэнэ киирбитим. Бастакы үөрэппит учууталым Праско­
вья Петровна Лугинова буолар. Билигин сааһыран олорон санаатахха,
үлэтигэр бэриниилээх, билиини ирдиир учуутал этэ. Мн киниэхэ үһүс
кылааска диэри үөрэммитим. Элбэхтэ уруок кэнниттэн хаалларан,
дьиэҕэ үлэбитин толотторон, аахтаран ыытара. Биһиги оччотооҕу
табаарыстар улаханнык дьиэ үлэтин толорор, хоһоону нойосуустуур
бириэмэбит суох буолар быһыылааҕа, дьэ ону Прасковья Петровна
түргэнник быһаарбыта, ол түмүгэр ким да уруок кэнниттэн хаалыан
баҕарбат буолбута.
Мындааба оҕолоро күһүн-саас Илин Баһынан күөлгэ киирэр да-
лаһа муостанан туораан оскуолабытыгар диэри 3 км хаамар этибит.
Ити барыта кэлэ-бара 6 км буолар. Кыһынын курдары 1, 5 км буолуо,
ол гынан баран, «тымныытын оҕото» сыттаҕа. Ахсынньы, тохсунньу
ыйдарга -50°-60° тиийэ тымныйара. Ону барытын тулуйан, аһаран,
дьон буолан сырыттахпыт. Төрдүс кылааска Мындаабаҕа үөрэмми-
тим, 1959-1960 сыллаах үөрэх дьылыгар 4 кылаастаах начальнай
оскуола аһыллыбыта. 1960-1961 үөрэх дьылыгар 5-с кылааска Чараҥ
оскуолатыгар үөрэммиппит Мындааба оҕолоро. 1961-1962 сылы-
гар 6-с кылааска аны Мүрү оскуолатыгар төттөрү ыыттылар. Манна
6 кылаас баара, онон биһигини, атын оскуолалартан кэлбит оҕоло-
ру, 6 «в» кылааска олортулар. Ый аҥара үөрэммиппит кэннэ, аны 3
мындаабалары: миигин, Заровняев Васяны, Тролуков Алешаны 6
«б» кылаас салайааччыта Елена Ивановна Троева бэйэтин кылааһы-
гар илдьэн оҕолоругар, «Бу РТС көмүстэрин аҕаллым, эһигини кытта
бииргэ үөрэниэхтэрэ» диэн билсиһиннэрдэ. Онтон ыла 10-с кылааһы
бүтэриэхпитигэр диэри «РТС көмүстэрэ» диэн ааттаммыппыт. Елена
Ивановна 9-с кылааска диэри кылаас салайааччытынан үлэлээбитэ.
10-с кылааска салайааччынан Мордосова Светлана Иннокентьевна
үлэлээбитэ. Бу иккиэн да улахан опыттаах, хас биирдии оҕо дууһа-
тын үөрэтэн, билэн, иитэн-такайан, улахан эйэлээх доҕордуу коллек­
тивы үөрэтэн таһаарбыттара. Ол үтүөтэ, биһиги бииргэ үөрэммиттэр,
хас дойдубутугар кэллэхпитинэ, мустабыт төһө баарбытынан уонна
оскуолатаҕы кэмнэрбитин ахтабыт-саныыбыт, күлэбит-үөрэбит. 1967