Page 56 - Мындааба спортсменнара

О ындааба спортсменнара

Үһус көлүөнэ уолаттар 1950-1952 сыллаахтар:
1. Дьяконов Василий;
2. Винокуров Илья;
3. Крылов Андрей;
4. Заровняев Алеша;
5. Дьяконов Николай;
6. Ноговицын Афанасий;
7. Свинобоев Семен;
8. Ефимов Юра;
9. Ефимов Валера.
Бу Мындааба уолаттара кэлин бары улаатан тракторист, суоппар
буолан РТС-ка, Сельхозтехникаҕа өр кэмҥэ үлэлээбиттэрэ. Мин иккис
көлүөнэ уолаттары кытта тэҥҥэ улаатан, бииргэ үөрэнэн, оонньоон-
көрүлээн оҕо сааспыт ааспыта. Уолаттар буоларбыт быһыытынан,
наар сэриилэһэ оонньуур этибит. Бу бэстилиэттэрбит тыастара улаха-
на уонна, хараҥаҕа ыттахха, уоттара сандааран дьэ астык оонньуур-
дар этилэр. Элбэхтик лапталыыр, футболуур, волейбол оонньуур
этибит. Кыһыҥҥы бириэмэҕэ МТС хонтуоратыгар үлэ кэнниттэн,
өрөбүл күннэргэ теннис, кэнсиэр, үггкүү, көр-күлүү бөҕө буолара.
Мындаабаҕа биһиэхэ бастакы орто оҕо велосипеда баара, ону биһи-
ги, чугас ыал оҕолоро, бары уларсан тэбэн техникаҕа бастакы сүрэх-
тэнии ылбыппыт. Онтон итинник велосипед Свинобоев Колялаахха
баар буолбута. Аҕабыт булка сылдьаары, Иж-49 диэн мотоцикл атыы-
ласпыта, бу эмиэ Мындаабаҕа бастакы мотоцикл этэ. Биһиги, 4 уола,
бу мотоциклы миинэн, бэйэтэ сүүрэр тимир көлөҕө үөрэммиппит.
Таһынааҕы ыалларбыт оҕолоро эмиэ бу мотоциклга тэҥҥэ мэҥэстэн
үөрэнэн бары техникаҕа тардыһар, сыһыаннаах дьон үүнэн тахсы-
быттара.
Аҕам тимир сыбаалкатыттан ГАЗ-51 массыынаны хомуйан оҥор-
бута, онон улахан уолаттары кытта балыктыы, куобахтыы барар
этилэр, биһигини чугаһаппаттара. Дьэ, кэлин убайдарбыт армияҕа
барбыттарын кэннэ биһиги уочараппыт кэлбитэ. Биһигини таһы-
нааҕы ыалбыт, Дьяконов Роман оҕонньор, угуйан муҥхаҕа, илимҥэ
үөрэтэн илдьэ сылдьыбыта. Оччолорго 50 миэтэрэлээх капроновай
саптаах муҥхалааҕа. Ону иилиһиннэҕинэ, хайа тардан ол мөҕүллүүтэ
буолара, таһааран капрон сабынан абырахтаан, салгыы муҥхалыы-
рбыт. Балыга суох дьиэбитигэр кэлбиппитин өйдөөбөөппүн. Ыам