Page 57 - Мындааба спортсменнара

______________ о

ыйыгар арҕаа эбэҕэ илимнии киирэр этибит. Наар улахан харахтаах
илимнэринэн (хараҕа кырата 40,45,50) сарсыарда киһи баһыгар куул
аҥардыыта үчүгэй соболоох кэлэр этибит. Онон муҥха, илим абырах-
тыы үөрэнэн, билигин Өлүөхүмэҕэ бэйэм балыксыт буолан сылдьа-
бын.
Кыһыҥҥы муҥхаҕа алтынньы ортотун диэкиттэн муус киһини
уйар буолла да дьиэбит аннынааҕы күөлбүтүн, илин үрэх Ньамарҕат-
та, Халлаайы күөллэрин аҕам масссыынатынан баран муҥхалаан кэ­
лэр этибит. Саамай элбэх собону Чараҥ бөһүөлэгин үрдүгэр турар Тэ-
тинээйи диэн куталаах күөлтэн ылбыппыт, ириэнэҕинэн 40-ча куулу,
дьэ үөрүү-көтүү сүрдээх этэ.
Куобахха күһүн Чаҕыдаманан, Уһун Күөлүнэн, Лаппаарыйа
үрэҕинэн кэрийэн, үүрэн бултуур этибит. Кэлин бу сирдэринэн Дья­
конов Гошалыын Иж-49 мотоциклбытынан «фаралаан» куобахтаан
кэлэр этибит. Аны санаатахпына, оскуолаҕа үөрэнэр кэмнэрбити-
гэр баламат, харса суох сырыылаах уолаттар эбиппит. Күһүн куобах­
таан, Сытыган Аппанан тахсан Чараҥ уонна Майаҕас үрдүн кэрийэн
Хааҥхара алааска тиийэ хаамар этибит. Кыһын илин бас үрэҕин бата
сылдьан туһахтыырбыт, мин, Тролуков Вася, Дьяконов Гоша. Тоҥ-
нохпутуна сүүрэбит, кылыйабыт, куобахтаан ойон күрэхтэһэрбит. Ол
сылдьан Тролуков Васябыт атаҕын бүлгүрүтэн, хомурах хаарга кыа-
йан хаампат буолан хаалла, киһибитин Гошалыын сүгэн-сыһан киэ-
һэлик дьиэбитин булан дьоммутун уоскуттубут.
Куска саас эрдэттэн тэрээһин үлэ бөҕө барара. Мае мончууктары
убайдарбыт Бурцев Виталий, Винокуров Афанасий, Неустроев Сэмэн,
Дьяконов Роман уустаан-ураннаан оҥороллоро, кус курдук кырааска-
лаан, ол куурдааһына буолара. Биһигини олох чугаһаппаттара, тут-
тарбаттара. Бастакы саабын, биир уостаах 24 калибрдаах сааны, аҕам
7-е кылааһы бүтэрбитим кэннэ биэрбитэ, 10 тимир ботуруоннааҕа.
Манан бастаан «Эһэ» уонна «Хонуу» бараахтарын бултуур этим, оччо-
лорго хойуулара, элбэхтэрэ сүрдээх этэ. Онтон куска Дьяконов Гоша-
бын кытта аҕатын Роман оҕонньор дурдатыгар, Уулаайы арыы арҕаа
баһыгар тахсар чалбах уутугар мончуук бөҕөну быраҕан олорор уула-
рыгар, киирэн кустаан тахсар этибит.