Page 63 - Мындааба спортсменнара

.........................................................................................................©

вагоннарга олордон 1 суукка айаннаан, «ст. Безречная» диэн сир-
гэ тиийэн түһэрдилэр. Дьэ бу станцияҕа икки сыл сулууспалаатым,
чааһым аата «Отдельная рота радиационной-химической защиты»
диэн. Икки сылы быһа противогаз уонна ОЗК кэтэн баран өрө-таҥна-
ры сүүрүү, дьарыктаныы бөҕө буоллубут. Радиацияны, отравляющай
веществолары быһаарар прибордары нойосуус үөрэттибит. 6 ый
буолан баран отделение хамандыыра буоллум. «Младшай сержант»
званиетын иҥэрдилэр. 1969 сыл муус устар ыйыгар инспекторскай
проверка түмүгүнэн, салайар отделением 6 киһи «туйгун» сыанаҕа
туттаран 10 хонуктаах уоппуска биэрэн, сылбын туолбакка сылдьан
дойдубар Мындаабаҕа кэлэн сынньанан барбытым. Сылбын туолар-
бар сержант званиетын иҥэрбиттэрэ уонна взвод командирын заме-
стителинэн оҥорбуттара. 1970 сыл олунньу ыйыгар взвод командира
Чебунин И.И. радиоактивнай облучение ылан, Ленинград куоракка
госпитальга барбыта. Онон рота командирын бирикээһинэн, взвод
командирын эбээһинэһин толорооччу буолбутум. Муус устар саҥа-
тыгар сааскы инспекторскай бэрэбиэркэ буолуохтаах, онон туох-баар
санаабытын, кыахпытын-күүспүтүн ол бэлэмигэр ыыппыппыт, онту-
бут дакаастанан, взвод 21 саллаата «туйгун» сыанаҕа туттаран үөрүү-
көтүү бөҕө буолбута.
Үс саллаат уоппускаҕа дойдуларыгар сынньана барбыттара. Миэхэ
«старшай сержант» званиетын иҥэрбиттэрэ. Муус устар 22 күнүгэр
В.И. Ленин төрөөбүтэ 100 сылын көрсө, биһиги ротабытыттан 4 сал­
лаат «За воинскую доблесть» диэн юбилейнай мэтээлинэн наҕараа-
даламмыппыт. Муус устар бүтэһик күннэригэр дивизия командирын
бирикээһинэн взвод командирын солбуйааччылары 2 ыйдаах Курска
(курсы младших офицеров запаса) ыыппыттара. Онтон бэс ыйын ор-
тотугар кэлэн дьэ сулууспалаан бүтэн дойдубар кэлбитим.
1986 сыллаахха Чернобыльскай атомнай электростанция сааха-
лын кэнниттэн военкоматтан повестка тутан, Чита куоракка тиийэн
ЗабВО полигонугар «ликвидатордары» бэлэмнээһиҥҥэ сылдьыбы-
тым. Онон 16 сыл буолан баран сулууспалаабыт сирбин көрөн-истэн
кэлбитим.