Page 62 - Мындааба спортсменнара

ындааба спортсменнара

Алтынньы ыйтан Колодезников К.П. биригээдэтигэр хотону меха-
низациялааһыҥҥа үлэлэспитим. Чараҥ ферматыгар автодойкалары,
саах таһаарар транспортердары олордубуппут. Саҥа дьыл кэнниттэн
Бэйдиҥэ фермаларыгар үлэлээбиппит. Муус устар бүтэһик күннэри-
гэр армияҕа ыҥырыллар повестка туппутум.

АРМИЯҔА СУЛУУСПАЛААБЫТ КЭМНЭРИМ

Армияҕа 1968 сыл ыам ыйын 5 күнүгэр Мындааба авиапордуттан
АН-2 самолекка олорон Якутскайга «Сборнай пууҥҥа» тиийбиппит.
8 маай киэһэтигэр улахан самолетунан Иркутскай пордугар 3 чаас
сарсыарда тиийэн түспүппүт. Онтон 150 киһи стройунан тимир суол
вокзалыгар тиийэн поездка олорон 1, 5 суукка айаннаан, Чита куо-
ракка тиийбиппит. Манна учебнай танковай полк турар эбит, онон
танкалары илэ харахпытынан көрөн, илиибитинэн имэрийэн асты-
ныы-дуоһуйуу бөҕө буоллубут. Манна 6 ый үөрэнэн, «механик-во­
дитель» буолар үһүбүт. 10-ча хонук саллаат олоҕун билсиһэн, бэйэ-
бин кыанар, үчүгэйдик сүүрэр буолан улаханнык ыарырҕаппакка,
сулууспабын саҕалаатым. Иккис нэдиэлэбэр строевой плацка ула­
хан построение буолла. Билбэт улахан званиелаах офицердар баала-
ра. Олор стройу батыһа хааман иһэн, саллааттары биир-биир талан
таһааран истилэр. Олор быыстарыгар мин эмиэ түбэстим. Барыта 20
саллааты массыынаҕа олордон тимир суол станциятыгар киллэрэн,