Page 61 - Мындааба спортсменнара

_______________ о

Суоттубут суолугар эргийэн кэллэххэ, улахан анньыы суол учааста-
га бүппүтүнэн биир тракторы (Бурцев В.Д.) атын сиргэ, тыа солооһу-
нугар ыыттылар. Биригэдьииринэн биһиэхэ, суол оҥорооччуларга,
Портнягин Н.Н. (Туукка Ньукулай) сылдьыбыта. Өйүө аһылыкпытын,
трактор саппаас чаастарын бортовай уазигынан таһара. Бу эмиэ бэрт
элбэх кэпсээннээх, көр-күлүү аргыстаах өр сылларга тракториһынан
үлэлээбит улахан опыттаах механизатор этэ. Биһиги икки тракто-
рынан Хомустаахтан Хардыыга диэри быстах суолу өрөмүөннээн
тиийдибит. Ол аата, ханна хаһыллыбыт суолга туораттан буор аста-
ран, толорон, көннөрөн иһэбит. Атах Сыһыы алаастан Туйма үрэххэ
диэри барар сискэ суолу икки сиринэн сааскы уу хайа сүүрэн ааспы-
тын толорон, көннөрөн ааспыппыт. Манна маардар бааллар, быйыл
2015 сыл сайыныгар ааһан иһэн көрдөххө, олор уулара күн бүгүнүгэр
диэри суолга киирэ турар быһыылаах.
Туйма үрэх мае муосталаах этэ, ону көннөрө түһэн, үрдүнэн буор
астаран ааспыппыт. Билигин бу үрэххэ тимир турбалары уурта-
лаабыттар, онон дьэ арыый бөҕө буолуо. Мае муоста хае сыл аайы
өрөмүөннэнэр быһыылааҕа. Туйма үрэҕи ааһан баран Бөрө Бастааҕар
эмиэ буор суолу астарбыппыт. Бу бүтэһик анньыы буор суолбут этэ. Бу
кэнниттэн Охлопков Иван (Цыган Ваня) трактора Мындаабаҕа тон­
ной атын сиргэ үлэлии барбыта. Конников Мэхээчэ уонна мин суолу
өрөмүөннээн Суоттуга диэри тиийбиппит. Суоттуга чугаһаан истэххэ,
уһун коне суол саҕаланар. Суол уҥа өттүгэр икки мае геодезическай
вышкалар баар этилэр. Бу коно суолу «Романов проспега» диэн аат-
тыыллар эбит. Суоттуга чугаһаан истэххэ, Туолумаайы диэн сиргэ
саас хаар уутуттан күөлэ туолан, суолу үрдүнэн таһымныыр этэ. Ону
эмиэ туораттан суолга буор, кумах астаран үрдэтэн, тэҥнээн биэр-
биппит. Онон дьэ 1967 сыл сайын Бороҕон - Суотту суолун оҥоһуу-
тугар кыттан үлэлээн турабын. Билигин ааһан иһэн көрдөххө, били
анньыы сирбитигэр быллаардар, кыра онхойдор үөскээбиттэр, ити
барыта ирбэт тоҥ мууһа ууллан.
Билигин сааһыран олорон санаатахха, 48 сыл анараа өттүгэр үлэ-
лээбит анньыы суолбут. Күн бүгүнүгэр диэри оройуон сайдыытыгар,
бар дьоммор туһалыы, үлэлии турарыттан улаханнык астынабын. Хо-
мойорум диэн, бу анньыы суолу оҥорбут дьонтон соҕотох хаалан сыл-
дьарым. Суотту суолун кэнниттэн Дүпсүнүнэн, Найахынан алаастар
аартыктарын көннөрбүппүт, кыһын от тиэйэр суолларын оҥорон.