Page 60 - Мындааба спортсменнара

© ындааба спортсменнара

маастар биһиэхэ суолбутугар көнөтүк барарын курдук тоһоҕолору
саайталыыр, онон сирдэтэн 10 метр кэтиттээх буору бульдозерынан
астаран, үрдэтэн таһаарабыт. Суолбут урдугэ сир ньууруттан тутулук-
таах. Намыһах сиринэн 1,5 м үрдүктээх буолар. Өрөһөлүү анньыл-
лыбыт суолу көннөрөн дэхсилээн иһэбит, онон айан массыыналара
тохтообокко сылдьа тураллара. 16 км Харын Табый диэн бааһыналаах
сир таһыгар киһи уҥуохтара суолга киирэн тураллара. Оттон урукку
суол киһи унуохтарын аллараа өттүнэн, алаас үрдүнэн ааһара. Ону
дьэ «суол көнө буолуохтаах, онон бу киһи унуохтарын астарыҥ» диэн
бирикээс буолла. Биһиги аньыырҕаан астарбакка ааспыппыт. Онудо-
рожнай учаастак начальнига Романов И.П. уонна маастара Мигалкин
В.Н. кэлэннэр: «Бу киһи унуохтарын астаран, суолу көнө гына оҥо-
руоххут суоҕа да, нэрээккитин сабыахпыт суоҕа», - диэтилэр. Биһиги
икки тракторынан тиийэн, киһи унуохтарын иннигэр тохтоотубут.
Начальнигы кытта маастар куутэн тураллара. Охлопков Иван
(Цыган Ваня) тракторыттан түһэн, киһи унуохтарын иннигэр ти­
ийэн сэлээппэтин устан, сиргэ тобуктаан туран, устэ бокулуоннаан
баран маннык саҥалаах буолла: «Табаарыс бокуонньуктар, бу мин
эһиги чуумпу уһун уугутун аймыы кэлэн турабын, бэйэм баҕабынан
буолбатах, бу тойоттор бирикээстэринэн. Онон ситиһэр-аахсар буол-
лаххытына, учаастак начальнигыттан И.П. Романовтан уонна до-
рожнай маастартан В.Н. Мигалкинтан аахсыҥ, ситиһиҥ». Ол кэннэ,
сэлээппэтин кэттэ, тракторыгар кэлэн иһэн миигин: «Эн астарыма,
бэйэм оҥоруом», - диэн баран астарбытынан барда. Начальнигы
кытта маастар иһиттибит-истибэтибит, көрдүбүт-көрбөтүбүт диэххэ
айылаах түргэн үлүгэрдик массыыналарыгар олорон Бороҕон диэки
бурҕата турдулар.
Кэлин санаатахха, аҕа табаарыстарбыт биһигини харыстыы-
араҥаччылыы сатыыллар эбит. Уруттаан эттэхпинэ, студенныы сыл-
дьан, сайын практикабар манна, Мындаабаҕа кэлэн үс сайын тыа со-
лооһунугар сылдьыбытым. Тыаны, систэри солоон бааһына оҥорор
этибит. Онно дьэ араас кэрэх мастар, ойуун суола мае охтоох тииттэр
түбэһэллэрэ. Оннук мастар түбэстэхтэринэ, биһигини «астарымаҥ,
арыылаан хаалларан кэбиһиҥ» диэччилэр. Ол кэннэ кырдьаҕас, аҕа
трактористар сэрэбиэй быраҕаллар, онно ким түбэспит, ол кэрэх маһы
бааһына таһыгар астарар. Маннык үлэни толорбут кырдьаҕастарбыт
ыалдьан, ыарыһах буолан, күн сириттэн эрдэ күрэммиттэр эбит.