Page 71 - Василий Сивцев. Производство хамандыырдара

ас-таҥас тиийбэт чычырбас бириэмэтигэр, соҕотох үлэһит хамнаһыгар
уон биир оҕону аһатыы, таҥыннарыы, дьон тэҥинэн иитии ма-
нан дьыала буолбатаҕын билигин кэлэн ыарырҕата, хайдахтаах кур-
дук уйан-аһыныгас, чараас сүрэхтээхтэрин сөҕө-махтайа саныыгын.
Оҕолор төрөппүттэрэ оччотооҕу ыарахан кэмҥэ үөрэнэр усулуобуйа
суоҕунан төһө да баҕардаллар билии аартыгын кыайан дабайбатахта-
ра. Онтон олус хомойоллоро. Ол туолбатах ыра санааларын оҕолоругар
иҥэрэн үөрэхтээх дьон буола улааталларыгар бары билиилэрин-көрүу-
лэрин, кыһамньыларын уурбуттара. Аҕалара оҕолоро кыһалҕата суох
үөрэнниннэр ханнык диэн Ааныһа тигээхтээбит быыкайкаан тирии
мөһөөччүгэр кыра хамнаһыттан кырыйан мунньаахтыыра. Оҕолорун
билэрэ бэрт буолан онтукатын ордук туохха наадыйалларынан, бэл
саастарынан көрөн ыытара, ороскуоттуура. Бу улахан дьиэ кэргэн
олоҕор кэргэнэ Ааныс өй угар, сүбэ биэрэр оруола улахан этэ. Оҕолор
кыһалҕалаахтык иитиллибит буолан, үп-харчы хантан, хайдах кэлэрин
билэ улааппыттара. Оскуолаҕа үөрэнэр сылларыгар бэйэлэрин кыахта-
рынан, холлорунан үөрэнэр тэриллэрин, таҥнар таҥастарын сайыҥҥы
уһун каникулларыгар үлэлээн булуналлара. Оҕолор улаатыыларыгар,
идэни талыыларыгар улахан уол Сэмэн сүбэтэ-амата, тус олоххо, үлэҕэ
ситиһиилэрэ туспа холобур, өйөбүл буолбутун бииргэ төрөөбүттэрэ
истиҥ, иһирэх тылларынан ахталлар.
Ньукулай Ааныһыттан улахан уола эһэтин, аҕатын ааттарын ыл-
быт Коля убайын Сэмэни удьуордаан суоппар идэтин талан, баһылаан,
түүннэри-күнүстэри отделение, совхоз, улуус сорудахтарын болдьоҕун
иннинэ аһары толортоон эдэркээн сааһыгар оройуон бастыҥ механиза-
торын үрдүк аатын ылар чиэскэ тиксибитэ. Ол курдук, 1981 -1984 сыллар-
га оройуон чемпион-суоппара. Николай Николаевич билиитин салгыы
үрдэтинэр сыалтан үлэлии-үлэлии 1985 сыллаахха Өлүөхүмэтээҕи тыа
хаһаайыстыбатын механизациялааһын уонна электрофикациялааһын
техникумун ситиһиилээхтик үөрэнэн бүтэрэр. Ити кэнниттэн, төрөөбүт
нэһилиэгиттэн харыс да сири сыҕарыйбакка дойдута чэчирии сайдарын
туһугар биригэдьииринэн, управляющайынан, нэһилиэк дьаһалтатын
баһылыгынан таһаарыылаахтык, дириҥ хорутуулаахтык үлэлээн кэллэ.
Ситиһиллибитинэн уоскуйбат санаалаах, саҥаны, бастыҥы көрдөөн,
ыарахаттартан толлон, олорон биэрбэт, күүстээх, дохсун санаа аҕатыттан
бэриллибитэ чуолкай. Итинник дьону-сэргэни салайан үлэлэтэр үгүө
хаачыстыбалар мэнээх халлаантан түһэн кэлбэттэр. Ону биһиги Нико­
лай Николаевич Сивцев үлэтигэр-хамнаһыгар толору көрөбүт.
Эдэр Николай Николаевич дьаһалта баһылыгын быһыытынан
үлэлиир кэмиттэн ыла ыкса чугастык билсэбин, күн бүгүнүгэр диэри
тэҥҥэ иллэхтэһэбит. Үөрэхтээх, аныгы сайдыылаах үйэҕэ төрөөбүт,
ийэтин, аҕатын такайыыларынан, сүбэлэринэн иитиллибит, кини-
лэр хорук тымырдарынан бэриллибит үтүө сыдьааннарын утум-
69