Page 33 - Өнөрдөр Аҕа дойду сэриитигэр. I чааһа

рынан аччык сылдьыы, сайыҥҥы куйааска утатыы, сэниэ-сылба
эстиитэ — ол ахсааҥҥа киирбэт. Ол барытын саллаат тыыннаах
хаалбытын манньатыгар тута кэриэтэ умнуллан иһэрэ.
Тулуура суох, мөлтөх киһи фроҥҥа уһаабат этэ. Онтон Миха-
ил Михайлович фронт дүбдүргэн олоҕун, сэрии өлүүтүн-сүтүүтүн
бүтүннүү тулуйбут киһи. Өссө, онтон өйүгэр-санаатыгар оҕус-
тарбакка, биэс төгүл ылбыт бааһын саланан кэбиһэринии оһо-
рунан, уотгаах сэрии кэнниттэн түөрт уончаттан тахса сыл үлэ
бөҕөнү үлэлээтэ, олох киэнин кэрэхсибиллээҕин олорон ааспыт.
Тоҕус оҕотуттан арай биирэстэрин дэҥ былаҕайга былдьаппыта.
Онтон атыттар - ким педагог, ким медик, ким үрдүк үөрэхтээх
милиционер, ким финансист. Бары, Санкт-Петербурга тиийэ,
бэйэлэрэ ыал буолбут дьон. Тиһэҕэр кинини эһэм диэн киэн тут-
та ааттыыр сүүрбэттэн тахса сиэн...
Олоххо тардыһыы, санаа күүһэ диэн киниэхэ баара. Кини
Чымырааҕы үрэххэ нуучча дьиэтин туттан хоп курдук олорбут
Бычыкаа Мэхээлэ - эмиэ да булчут, эмиэ да тимир, мас ууһа,
биир кэмҥэ Дмитрий Никифоров курдук маастары кытта бииргэ
үлэлэһэ сылдьыбыт эмиэ да муосчут, сэтгэ оҕотуттан биирдэстэрэ
этэ. Итинник бэйэлээх киһи дэлэ оҕолорун такайбыта буолуо дуо?
Үс уол сэриигэ барбытыттан үһүөн, ол иһигэр Михаил Михайло-
вич эмиэ, этэҥҥэ эргиллэн кэлбиттэрэ. Ол оннугар үс күтүөт-
тэн үһүөннэрэ эргиллэбэтэхтэрэ... Онтон Бычыкаа Мэхээлэ 102
сааһыгар өлбүт. Оҕонньор унуоҕар, уола Мэхээлэ этиитинэн,
остуолбаҕа 11 -дээх буур тайах муоһун саайбыттара билиҥҥэ диэ-
ри үчүгэйдик турар үһү.
Михаил Михайловиһы Өнөр дьоно полевой суумкалаах төт-
төрү-таары сүүрэкэлиирин үгүстүк көрбүт киһилэрэ. Алта ыҥы-
рыы тухары нэһилиэк Сэбиэтин депутата, уон сыл партийнай
тэрилтэ секретара, онтон кэлин сэрии уонна үлэ ветераннарын
комитетын председателэ. Ити кини хамнас аахсыбатах дуо-
һунастарын аахтыбыт. Үлэлээбит үлэлэрэ: райфин бухгалтера,
сберкасса сэбиэдиссэйэ, лесхоз объезчига.
Ол эрээри, ааҕааччы кинини чараас бартыбыал кыбыныылаах
көрүнньүк үлэһит курдук өйдөөмө. Михаил Михайлович үйэтин
тухары, этэргэ дылы, уллуҥаҕын көлөһүнүн сүүһүгэр ааҕан олох
олорон, оҕо иитэн, һай-һат диэбит киһи. Булчут диэтэххэ, булчут
бэрдэ, отчут диэтэххэ, отчут толуута кини этэ.
Тозовканан сүүс метртэн куһу хайа баҕарар тэһэ ытан ыла-
ра. Хапсаҕайдык, бэргэнник ытарынан үгүстэри салыннарара.
29