Page 58 - Өнөрдөр Аҕа дойду сэриитигэр. I чааһа

онно ким да модьуйбатаҕа, бэйэтин сүрэҕин баҕатынан барбыта.
Айылҕаны таптыыра бэрт, ол иһин оту-маһы, кыылы-сүөһү кытга
киһилии кэпсэтэ сылдьара. Төһө да илиитинэн-атаҕынан түһэн
үлэлээбэтэҕин иннигэр Ньукулаан сырдык дууһатынан дойдутун
туһугар ыалдьа, эрэйдэнэ олорбута. Сүрэх тэбэрин тухары оннук
эрэ олорбута.
Н ЛИТВИНЦЕВ

Анабыл

Сэрии, улэ ветерана, Албан аат уордьан кавалера
Николай Михайлович Сергеев еырдык кэриэһигэр

Оҕонньор, эн нүксүйэн иһэҕин -
Сигэ бэйэҥ сиҥнээри гыммыт курдук,
Ол да буоллар туораабакка иһэҕин
Суолгун өҥөйөн көрө-көрө улгумнук.
Киһи диэн олох ытаһата,
Мин ону билэбин үчүгэйдик,
Эн туттууҥ-хаптыыҥ барыта
Ону итэҕэтэр эбээт бигэтик.
Эн илистибит санныгар тайанан
Күн-дьыл илиитин имин биллэрдэҕэ
Хайыаххыный ону, төһө да абаран -
Кыах суох, олох хаара ыга түстэҕэ.
Кыайбатаҕа эйиигин сут кырыымчыга
Кыһалҕалаах ытаччатыгар ылан,
Хоргуйан өлөн эрээччи ынчыга
Харах уутун таһаарбыта ыган.
Эн тыйыс дьылҕаҕын таба өйдүүрүҥ,
Абыранар күүһү дьоҥҥуттан көрдүүрүҥ.
Тиит силиһиттэн тардыһарын курдук,
Силис сиртэн симэҕин оборорун курдук.
Мин көрөбүн, эн ыараан иһэҕин -
Сигэ бэйэҥ сиҥнээри гыммыт курдук,
Ол эрээри улгумнук баран иһэҕин —
Улахан урууга ыҥырыллыбыт курдук.

54