Page 54 - Өнөрдөр Аҕа дойду сэриитигэр. I чааһа

Үрдүк түөһүгэр толору мэтээллэрин иилинэн бырааһынньык
остуолугар олордоҕуна, киһи кинини кэрэхсиир. Хайдах эрэ ман-
нык дьоннооххунан киэн тутта саныыгын.
Ол эрээри дойду бу үрдүк наҕараадалара киниэхэ төһөлөөх
сыранан, төһөлөөх эрэйинэн кэлбиггэрин ааҕан билэр киһи, бука,
суох да буолуо. Уол оҕо саадаҕын үстэ курданар дииллэр. Ньу-
кулаан сэриигэ үстэ бааһыран баран, 11 -с группалаах инбэлиит
буолан дойдутугар кэлбитэ. Икки бастакы бааһырыытын эмтэнэн
үтүөрэ-үтүөрэ, сэриигэ хаттаан киирэн испитэ. Сэриигэ көрсүбүт
эрэйэ ситэ ааҕа илигинэ, ыарахан баас өссө хаҕылыйа илигинэ,
дойдутугар кэлэн атын эрэйи, аһыыны көрсүбүтэ. Кини суоҕуна
түбүлээн ааспыт ыар, аас-туор 1942 сыл дьонун суох оҥортообут
этэ. Ийэтэ Татыйыына, убайдара Лэгиэнтэй, Хонооһой, эдьиийэ
Мотуруона биир кэм иһигэр өлбүттэрэ. Онтон сотору сэрииттэн
инбэлиит буолан кэлбит быраата Өлөксөй, кыра эдьиийэ Евдокия
суох буолбуттара. Онон ханнык эрэ кылгас кэм иһигэр бүтүн биир
улахан ыалтан соҕотох чоройон хаалбыта. Ама да ааспытын иһин,
кытаанах күннэр-дьыллар этилэр. Ылбыт баас оҕор буолан, харах
уута куурар буолан эрэ сүрэх аһыыта дьаралыйдаҕа. Ол дириҥ ох-
суу дьыл-кэм ханнык эрэ күлүгэр, ааһан биэрбэт дьарҕа буолан,
саастаах киһи санныгар тайанан ылаахтыыр буоллаҕа эбээт.
Аныгы оҕолор ону өйдүөхтэрэ дуо? Кырдьаҕас киһини араас-
таан эрийэн-мускуйан бараллар. Аны кэлин кэмҥэ «Улугуруу
оҕонньоро» диэн этэн эрдэхтэрэ. Оччолорго өлүү-тиллии үөһүгэр
сылдьан, ким улугуруой? Хата, күн тиийбэтэ, барыга-бары саҥат-
тан-саҥа соруктар, саҥатган-саҥа былааннар олох хаамыытынан
ыган аҕай биэрэллэрэ. Сэрииттэн эмсэҕэлээбит норуот күүһэ баа-
рынан мөхсөрө, өйө тиийэринэн була-тала сатаан үлэлиирэ.
1938 сылга комсомолга киириэҕиттэн ыла партия ыйыытын
толорон кэллэ. Партияҕа эрэллээхтик сулууспалаата. Онтон хо-
мойбот. Билигин даҕаны дойдуга партиялаһан олоруу баарын ту-
хары бэйэтин партиятыттан тахсар санаата суох.
Киһи аан иэччэҕэ буолбатах, антах-бэттэх халбаҥнаабат. Дьа-
даҥы, кыра киһи оҕотун киэҥ суолга таһаарбыт, бастыҥ дьону
кытта тэҥҥэ хаамтарбыт, үөрэххэ, үлэҕэ уһуйбут партия баар
этэ. Партия кини кыайыыларын да, сыыһаларын да тэҥҥэ тутан,
сөптөөхтүк сыаналыыра.
Сэриигэ Воронежскай, Курскай, Белгородскай, Харьковскай
уобаластарынан сылдьыбыта. Нуучча ньургуннарын, атын омук-
тар ааттаахтарын кытта тэҥҥэ атаакаҕа киирэрэ. «Дойду туһугар!
50