Page 53 - Өнөрдөр Аҕа дойду сэриитигэр. I чааһа

тоһуттар тымныыны тулуйуо суоҕа биллэр. Чэ, сити кини эбит.
Хонойбут моонньун хат ньыхатан эмиэ уруккутун курдук туттан
олордо. Тыҥ хатан эрэр. Бүрүммүт кырыатын тэбэммэккэ оло-
рор буолан, күөт ыт тириитинэн тигиллибит истээх үтүлүгү са-
натар. Саҥардыы уһуктан эрэр айылҕа таарыйдыҥ да таас иһит
курдук лыҥкыныыр. Киһи өйүн-санаатын эрийэн, ис иһиттэн
сыналыйан, кырыымпа тылын энэлгэнэ иһиллэр. Оо, ол эрээри,
бу умуһах иһин курдук сиргэ туох кырыымпата кэлээхтиэй, хата
сыарҕа тыаһа эбит. Кырдьаҕас суор ити тыаһы истибитэ ыраатга.
Күүппүтэ да ыраатга. Кини хайаан да кэлиэхтээх. Оччоҕо суор
баарын биллэрэн, кини үрдүнэн көтүөхтээҕэ уонна бу лыҥкы-
нас тоҥ салгыны уйгуурда хаһыытаан ылыахтааҕа. Кинилэр ити
курдук көрсүһээччилэр. Онуоха киһи сыарҕаттан эрэй бөҕөнөн
оронон турар - кырыатын соттор. Өрө хантайан суору олоотуур.
Көтөн иһэр суор оҕонньору аһына көрөр.
«Оо, кырдьан иһэбит, кырдьан иһэбит», - дии саныыр Хаһан
эрэ, оҕонньор оҕо эрдэҕинэ, кырдьаҕас суор сэниэлээх этэ. Ха-
раҕа ырааҕы көрөрө. Уол туһаҕар иҥнибит куобаҕын да тоҥсуйа-
ра. Баҕар, ол иһин этэллэрэ буолуо, «ыалга уол оҕо төрөөтөҕүнэ,
суор үөрэр» диэн, байанайыттан бэриһиннэрээри...
Өр кэмҥэ таба ылсыбакка, сүтэрсэ сылдьыбыттара. Аны би-
лигин доҕордуулар. Бу тыас иһиллээбит курдук чуҥкуйан турар
алааска кинилэр иккиэлэр. Хардарытаары кэпсэтэллэр. Киһи -
киһилии саҥаран, суор - суордуу кыланан. Дьэ, ити курдук сы-
рыттахтара, төһө өр сылдьаллара биллибэт.
Николай Михайлович Сергееви кытта өр сыл доҕордостум.
Өс хоһоонунуу эттэххэ, буорбун тэбэстим. Бу барыга бары дуос-
пуруннаах, толкуйдаах киһини кытта ким барыта кэбирэхтик
уопсай тылы булар. Кини даҕаны киһиттэн кистиирэ суох. Үтүө
олоҕун барытын нэһилиэгэр анаата. Быһата, нэһилиэк дьылҕа-
тынан олордо. Кини баарыгар Өнөр туһунан куһаҕан тылы саҥар-
баккын, оннук тылы истиэн да баҕарбат. Кини оннук туруору
толкуйдаах киһи. Дойдута үчүгэй аатырдаҕына, радиоҕа этилин-
нэҕинэ, хаһыакка таҕыстаҕына тус бэйэтэ хайҕаммытынааҕар ор-
дук үөрэр, санаата көтөҕүллэр. Баҕар, истибэккэ дуу, аахпакка дуу
хаалыахтара диэбитгии, дьоҥҥо кэпсии тоһуйар. Өссө онон эрэ
дуоһуйбат, уулуссаҕа, хонтуораҕа, атын да сирдэргэ көрүстэххинэ
кини тумус туттан, урут ол үчүгэй сонуну иһитиннэрэ охсор. Чэ,
барыта сөп буолла, орун-оннугар түстэ ээ диэтэҕинэ эрэ онтон
тохтуур. Оннук киһи Николай Михайлович Сергеев - Ньукулаан.
49