Page 125 - Сэрии кэмин оҕолоро 2 кинигэ

ӨЛТӨХ нэһилиэгэ

Өлтөх нэһилиэгэ

Босикова Мария Иннокентьевна

Маайыс кыыс уоттаах сэрии саҕаланар кэмигэр 7 сааһын
томточчу туолбута. Мария Иннокентьевна Босикова 1934 сыл
тохсунньу 19 күнүгэр Уус Алдан оройуонун Чэриктэй нэһи-
лиэгэр төрөөбүтэ. Кини олоҕун оҥкулуттан быһа тардыыларыт-
тан бэйэтин кэпсиирин истиэҕиҥ.
Мин хос эбэм Варвара Федоровна, Чэриктэй нэһилиэк олох-
тооҕор Кузьма Босиков диэн 40 саастаах киһиэхэ эргэ тахсан
биэс оҕото киһи буолбут. Ол курдук 1858 сыллаахха Чэриктэй
нэһилиэгин кинигэтигэр суруллубутунан, Варвара Федоровна
58 саастаах эбит, улахан кыыһа Мария — 40, Афанасий — 26,
Кузьма — 20, Анна — 17, кыра уоллара Степан 13 саастаахтар.
Оттон мин эһэм Босиков Николай Кузьмич 1878 сыллаахха күн сирин көрбүтэ. Эһэм
ойох ылан түөрт оҕолоноллор, улахан уоллара мин аҕам Иннокентий Николаевич —
Милтэкис 1906 сыллаахха төрөөбүт. Иккис уоллара Николай Николаевич — 1908, ула-
хан кыыстара Варвара — 1910, кыра кыыс 1915 сыллардаахха төрөөбүттэр.
Эһэм Ньукулай (хос аата Табыынап) сымнаҕас майгылаах киһи эбит. Аҕам Лэгэнтэй
барахсан уҥуоҕунан кыра, дьарамай да буоллар, эмиэ бэйэтин кыанар сытыы, кыты-
гырас киһи этэ. Ол курдук кини эдэригэр Чэриктэйтэн Дьокуускайга сатыы киирэн
тахсара. Аҕам инитэ Ньукуус Дьокуускайга үөрэнэ сылдьан ыараханнык ыалдьан эдэр
сааһыгар суох буолбут.
Аҕам И.Н. Босиков ийэбинээн Гоголева — Босикова Анна Петровналыын (кини
1904 с.т.) холбоһоннор, үс оҕолоноллор. Биһиги ийэбит Анна Петровна бииргэ
төрөөбүт элбэхтэр эбит, сэттэ кыыс, икки уол. Ийэм балта Дарья Петровна З.Д. Ильин
диэн киһиэхэ эргэ тахсан биир уолу төрөппүтэ. Оттон кэлин атын киһиттэн Мария
диэн кыыһы төрөппүтэ. Михаил Захарович кыра оҕо эрдэҕиттэн уһун сылларга Дүпсүн
нэһилиэгин пиэрмэлэригэр ыанньыксытынан үлэлээн биэнсийэҕэ тахсыбыта. Михаил
ойоҕунаан үс уол оҕону төрөтөн, улаатыннарбыттара. Михаил Захарович 75 сааһыгар
олохтон туораабыта.
Мин, саҥа улаатан истэхпинэ, ийэм 1939 сыллаахха балтыбын Аняны төрөтөн баран,
ыараханнык ыалдьан, бу орто дойду олоҕуттан бараахтаабьҥа. Онон балтыбын Аня-
ны ыатга ииттэрэ биэрбиттэрэ. Аня, кэлин улаатан, үлэһит буолан баран, Бороҕоҥҥо
Н.П. Васильев диэн киһиэхэ эргэ тахсан биэс оҕоломмута. Аня 1973 сыллаахха кыра
уолун Ганяны оҕолонон баран өлбүтэ, онон уолун эмиэ ыалга ииттэрэ биэрбиттэрэ.
Аҕам барахсан сайынын Дьэли Кэриэһигэр Алдан өрүһүнэн ааһар борохуоттарга мас
кэрдэрэ. Оччолорго борохуоттар маһынан оттунан айанныыллара. Биһиги убайбынаан

121