Page 128 - Сэрии кэмин оҕолоро 2 кинигэ

ӨЛТӨХ нэһилиэгэ

сыахха бастаан лаборанынан, кэлин маастарынан үтүө суобастаахтык үлэлээбитэ. Ол
кэннэ уонтан тахса сыл Орто Эбэ оскуолатын интэринээтигэр ас астааччынан үлэлээн,
оҕолору минньигэс, тотоойу аһынан аһатан кырачааннар махталларын ылыан ылбыта.
Билигин хаһыс да сылын Бороҕоҥҥо «Мүрү-Ас» эт-үүт собуотутар маастарынан үлэ-
лиир. Оҕолордоох, сиэннэрдээх.
Афанасийбынаан сааспыт тухары иккиэн кыра хамнастаах да буолларбыт, оҕолорбу-
тун дьон тэҥинэн аһатан, таҥыннаран, үөрэхтээн үлэһит дьон оҥортообуппут. Арыы-
лаахха 1980 сыллаахха Баһылай Даниловтаах дьиэлэрин атыылаһаммыт үөрүүбүт муҥу-
ра суох буолбута. Сайынын от оттоон, күһүнүгэр хотон туттан, сүөһү атыылаһан дьон
тэҥинэн хаһаайыстыбалаах быр-бааччы ыал буолбуппут. Мин 1984 сыллаахха биэн-
сийэҕэ тахсыбытым. Аҕабыт 1988 сыллаахха биэнсийэҕэ тахсыбыта. Кэлин тохтоон,
сүөһүтүн-аһын көрбүтэ, ол быыһыгар сиэннэрин бүөбэйдэһэрэ.
«Биэнсийэҕэ таҕыстым, аны үлэлээбэппин» диэн быар куустан олорботоҕум. Арыы-
лааҕым бөһүөлэгин ыытар араас тэрээһиннэригэр өрүү актыыбынай кыттыыны ыла-
бын. Харахпынан үчүгэй эрдэхпинэ, оҕуруонан бастыҥа, илин кэбиһэр тигэттээн, үгүс
быыстапкаҕа кыттаммын элбэхтик хайҕаммытым. Итини тэҥэ, 80 сааспын туолуохпар
диэри бальнай үҥкүүнү үҥкүүлээбитим. П.С. Охлопковтыын өрөспүүбүлүлүкэтээҕи
күөн-күрэскэ кыттаммыт биһирэммиппит.
Билигин 80 сааспын ааһан баран даҕаны, сэрии, сут-сутурҕан кэмин оҕото ыарыһах
буолан үөрэммэккэ хаалбыппыттан олуһун хомойобун. Үтүө дьоммор, маҥан халаат-
таах аанньалларбар, эмчиттэрбэр махталым муҥура суох. Кинилэр баар буоланнар, үс
төгүл өлөр өлүү айаҕыттан мүччү туттараммын, тыыннаах хаалан оҕолордоохпунан,
сиэннэрдээхпинэн, хос сиэннэрдээхпинэн астынабын, үөрэбин, киэн туттабын. Кэс
тылбын билигин баар уонна үүнэр-үөскүүр ыччаттарбар аныыбын! Үөрэх-билии кыһа-
ларын ааннарын аһан өссө киэҥник, дириҥник үөрэтэн, элбэҕи билэн, бу иннэ-кэн-
нэ биллибэт олоххо бэйэҕит сөбүлүүр идэҕитин баһылаан эрэллээхтик иннигит хоту
кэрэҕэ, сырдыкка хардыылаан иһиҥ!

Говоров Иван Иванович

Мин эһэм Говоров Иван Иванович 1932 сыл кулун тутар 22
күнүгэр олус кэрэ айылҕалаах, үлэһит дьоннордоох Бороҕон
улууһун Өлтөх нэһилиэгин Говоров Иван Михайлович уонна
Говорова Мавра Титовна дьиэ кэргэнигэр төрөөбүт.
Эһэм сэрии сылларыгар 9 саастааҕа. Дэриэбинэҕэ үксэ кыр-
дьаҕастар, оҕолор уонна дьахталлар эрэ хаалбытгар. Сэрии ыар
сылларыгар кыһынын мас мастааһына, от тиэйиитэ, сүөһү
көрүүтэ уонна да атын үлэлэр кыаллыбаттарынан, эһэм Орто
Эбэ 7 кылаастаах оскуолатын бүтэрбэккэ, 6 кылааһынан уурай-
быт. Дьэ мантан саҕаламмыт эһэм биир өрөбүлэ суох, утуйа-
ры-сынньанары умнан умсулҕаннаах унньуктаах үлэтэ. Онтон
ылата «Мичурин», «Победа» холкуостарга үрдүк таһаарыылаах-
тык үлэлээбит. Кэнники «Лена» сопхуос, оройуон «Мехсовхозстрой» тэрилтэтигэр үл-
элээбит.
1955 сыллаахха эһэм эбэбитин Мария Афанасьевна Алексееваны кэргэн ылбыт. Эбэ-
лээх эһэбит 51 сыл дьоллоохтук олорбуттара. 4 оҕону күн сирин көрдөрөн, иитэн-та-
кайан үлэһит дьон оҥортообуттара. Эһэбит 11 сиэннээх, 2 хос сиэннээх. Кини биһиги
үлэҕэ-үөрэххэ ситиһиилэннэхпитинэ сүрдээҕин үөрэр. Биһигини биир санаалаах, түм-
сүүлээх буолан эйэлээхтик олорорго, үлэни, үөрэҕи, олоҕу таптыырга үөрэтэр.

124