Page 127 - Сэрии кэмин оҕолоро 2 кинигэ

ӨЛТӨХ нэһилиэгэ

Мин Афанасийбынаан 40 сыл устата эйэ дэмнээхтик, дьоллоохтук олорбуппут. Ула-
хан уолбут 1958 сыллаахха күн сирин көрбүтэ. Афоням уолугар убайын аатын биэрэн,
Петя диэн ааттаабыппыт. Петя оскуолаҕа үөрэнэ сылдьан успуорт араас көрүҥүнэн
дьарыктаммыта. Көҥүл тустуу, хапсаҕай, гиирэ успуорда, мас тардыһыыта, самбо,
сүүрүү кини сөбүлүүр, таптыыр дьарыктара буолбуттара. Оттон дуобат, саахымат дуос-
катын этэр курдук кыбына сылдьара. Уолбут Бэйдиҥэ оскуолатын аҕыс кылааһын
үөрэнэн бүтэрэн баран, Жатайдааҕы өрүс училищетыгар үс сыл үөрэммитэ. Манна
үөрэнэн моторист идэтин ылбыта уонна аармыйаҕа сулууспалыы барыар диэри араас
суднолорга моториһынан Сахатын сирин өрүстэригэр үлэлээн өрө-таҥнары устубута.
Петя аармыйагтан кэлэн баран, салгыы үөрэнэн суоппар идэтин ылбыта уонна «Лена»
сопхуоска, Бороҕоннооҕу «Агропромстройга» суоппарынан үлэлээбитэ. Бу тэрилтэлэр-
гэ хас даҕаны сыл үлэлээбитин кэннэ, Уус Алдан оройуонун Ис дьыалаҕа уорганын со-
труднигынан үлэҕэ ылбыттара. Онон милиция отделыгар өр сылларга үтүө суобастаах-
тык үлэлээбитэ. Петя ханна үлэлиир даҕаны успуорка, уус-уран көрүүгэ өрүү инники
күөҥҥэ сылдьара уонна тэрилтэтин аатын чиэстээхтик көмүскүүрэ. Уһук Илин зона-
тааҕы уус-уран көрүүтүгэр Хабаровскай куоракка чиэстээхтик кыттан лауреат үрдүк
аатын ылбыта. Уолбут Петя 1986 сыллаахха Елена Петровна Максимовалыын хол-
боһоннор ыал буолбуттара уонна утуу-субуу икки уол оҕону төрөппүттэрэ. Ванялаах
Айаал билигин иккиэн охранаҕа үлэлииллэр. Уолбут Петр Афанасьевич итинник үлэ-
лии-хамсыы, ыллыы-туойа, успуордунан дьарыктана сылдьан, 2016 сыл ахсынньыты-
гар ыалдьан олохтон туораабыта.
Иккис уолбут Гоша 1959 сыллаахха төрөөбүтэ. Баара-суоҕа аҕыс ыйдааҕар тымныйан
ыалдьан суох буолбута. Улахан кыыспыт Светлана 1961 сыл алтынньыга күн сирин көр-
бүтэ. Бэйдиҥэ орто оскуолатын кэнниттэн Дьокуускайга киирэн киинэ мэхээнньиктэр
оскуолаларыгар үөрэнэн кыһыл дишюмунан, салгыы Москва куорат анныгар Загор-
скайга кинотехникумҥа үөрэммитэ. Үөрэҕин ситиһиилээхтик бүтэрэн, Үөһээ Дьааҥы
улууһун Баатаҕай киносетигэр уонча сыл үтүө суобастаахтык үлэлээбитэ. Дойдутугар
эргиллэн, арыы оҥорор маастар үөрэҕэр үөрэммитэ. Өр сылларга Арыылаахха арыы
собуотун маастарынан, Бороҕоҥҥо эт-үүт кэмбинээтигэр эпэрээтэринэн ис сүрэҕит-
тэн кыһаллан үлэлээбитэ. Салгыы «Мүрү саһарҕата» АПХ наборщик, метранпаж идэ-
лэрин баһылаабыта. Кэргэнинээн Гаврил Ивановтуун түөрт оҕолоохтор. Уоллара Петя
кэргэннээх, үс оҕолоох, программист үөрэхтээх, идэтинэн үлэлиир. Орто уоллара Лео-
нард сварщик идэлээх, ол хайысхаҕа үлэлиир, Дьокуускайга олороллор. Кыра уол Гоша
повар-кондитер идэлээх, кыыстара Маша медсиэстэрэ үөрэхтээх.
Кыра уолум Афанасий 1963 сыллаахха төрөөбүтэ. Кыра эрдэҕитгэн сүрэҕинэн ыал-
дьан моһуогурара. Орто оскуоланы бүтэрэн, Иваново куоракка радиотехникумҥа
үөрэнэн радиотехник идэтин ылан, Булуҥ оройуонугар Таймылыыр тумуска сибээскэ
үлэлээбитэ. Ити кэнниттэн төрөөбүт улууһугар отучча сыл улуус сибээһин эйгэтигэр
үтүө суобастаахтык үлэлээбитэ. Ити үлэлии сылдьан 2016 сыл тохсунньутугар эмискэ
сүрэҕэ тохтообута. Афанасий икки уол оҕолоох, онон аатын ааттатар дьоннордоох!..
Аҕабыт 1965 сыллаахха Арыылаах киноустановкатыгар анаммыта. Бэйэм Орто Эбэ
көмөлтө оскуолатын интэринээтигэр түүҥҥү ньээньэнэн үлэҕэ киирбитим. 1966—1967
сылларга улаханнык ыалдьан, бастаан Бэйдиҥэ балыыһатыгар сыппытым. Сыырдаах
балыыһатыгар Бэйдиҥэҕэ үлэлиир быраас Розалия Винокурова эмтэнэ киирбитэ. Олус
эмтэнэммин, этим-сииним эми билиммэт буолбут этэ. Ону көрөн Розалия Винокуро-
ва: «Балыыһаттан таҕыс, эми-тому этиҥ-хааныҥ ылбат буолбут. Сүөһү өлөрдөхтөрүнэ,
туустааҥнын сүөһү хаанын иһээр, ол көмөлөһүөҕэ», — диэбитэ. Сэтинньигэ уонна
тохсунньуга сопхуос сүөһүтүн өлөрөр кэмигэр куруускалаах тиийэн сүөһү көхсүн хаа-
ным иһэрим. Ити доруобуйам тупсарыгар улаханнык көмөлөспүтэ. Доруобуйам мөлтөх
буолан, кыра кыыспын 1968 сыллаахха куоракка киирэн оҕоломмутум. Кыыспыты-
гар Ульяна диэн ааты биэрбиппит. Орто үөрэх кэнниттэн Воронеж куоракка тиийэн
үөрэҕин бүтэрбитэ уонна онно үлэлээбитэ. Дойдутугар Арыылаахха кэлэн арыы оҥорор

123