Page 140 - Сэрии кэмин оҕолоро 2 кинигэ

ӨЛТӨХ нэһилиэгэ

1963 сыллаахха Петр Степанович Охлопковка кэргэн тахсыбытым. Бу сыл Кэбээйи-
гэ көһөн тиийбиппит. Манна педагогическай үлэбин саҕалаабытым: старшай пионер
баһаатайдаабытым, интэринээт уонна оҕо саадын иитээччитинэн үлэлээбитим. 1970
сылтан 1977 сылга диэри Сииттэ детсадыгар сэбиэдиссэйдээбитим. Оҕолорум төрдүөн
Кэбээйигэ төрөөбүттэрэ.
1977 сыл сайын Уус Аддаҥҥа көһөн кэлбиппит. Кэптэнигэ үс сыл детсадка сэбиэ-
диссэйдээбитим. 1980 сыллаахха Бэйдиҥэҕэ кэлэн интэринээккэ иитээччинэн 1998
сылга диэри үлэлээбитим.
Билигин биэнсийэҕэ олоробун. Кэргэмминээн Петр Степановичтыын өйөһөн-өй-
дөһөн 55 сыл бииргэ олорбуппут. 4 оҕобут туһунан ыаллар, 12 сиэннээхпин уонна 13
хос сиэннээхпин. 35 сыл иитэр-үөрэтэр үлэҕэ үлэлээбитим туоһута: Российскай Феде-
рация Үөрэҕин министерствотын Бочуотунай Грамотата (1973), «Үлэ бэтэрээнэ» мэ-
тээл (1986), Саха Өрөспүүбүлүкэтин Үөрэҕин министерствотын Бочуоттаах Грамотата
(1992), «РФ үөрэҕириитин туйгуна» знак (1994).
Кэргэним Охлопков Петр Степанович 1935 сыллаахха бэс ыйын 1 күнүгэр Күөл
Эбэҕэ төрөөбүтэ. Сэрии саҕаланарыгар алтатын туолбут уол соһуччу улааппыт. Обургу
оҕолор батыһыннаран, үлэҕэ илдьэ сылдьалларын туһунан кэпсиир этэ. Кыай-кыа-
йыма, булгуччу бэриллибит үлэни толорорбут диирэ. Хотоҥҥо тымтык уотунан сырда-
тан ыанньыксыттарга көмөлөһөрбүт, оҕус сиэтэрбит, «көлө иччитэ» буоларбыт, инньэ
гынан, үлэ күнүнэн үллэриллэр итии аһылыкка тиксэрбит, онон тыыннаах хаалбытым
диэн кэпсиирэ. Оччотооҕу сэрии сылларын оҕолоро оонньуур-көрүлүүр иллэҥэ суох
этибит диирэ. Аҕата уонна бииргэ төрөөбүттэрэ ол кэмҥэ аччыктаан, ыалдьан өлбүт-
тэр. Ийэтин Хачыкаат суолун оҥорор үлэҕэ ыытаннар, соҕотох туран хаалбыт. Аймах-
тара илдьэ сылдьыбыттар. Уонугар Орто Эбэ оскуолатыгар бастакы кылааска үөрэнэ
киирбит. Онтон Мэҥэ Хаҥаласка Маттаҕа баар «Лесной школаҕа» ыыппыттар. Онно
5 сыл сылдьыбыт. Төннөн кэлэн 6-7 кылааска үөрэммит, 8 кылааһы Мүрү оскуола-
тыгар бүтэрбит. Үөрэнэр кэмигэр интэринээккэ олорбут. Оскуола кэннэ «Мичурин»
холкуоска араас үлэлэргэ үлэлээбит. 1958—1963 сылларга Саха государственнай уни-
верситетыгар үөрэнэн, физика уонна математика учуутала идэлэммитэ. 1963 сыллаах-
ха ыал буолбуппут. Кэбээйигэ физика уонна математика учууталынан ананан, көһөн
тиийбиппит. Үлэтигэр наһаа бэриниилээх, эппиэтинэстээх этэ. Үөрэтэр оҕолоругар
аҕалыы сыһыаннаһара. Үөрэтэрин таһынан оҕолорун тустууга, акробатикаҕа дьарык-
тыыра. Оҕолору түмэр арааһынай тэрээһиннэри, күрэхтэри тэрийэрэ. Оҕолорун кыт-
та тэбис-тэҥҥэ оскуолаҕа, нэһилиэккэ тэриллэр күрэхтэһиилэргэ, субуотунньуктарга
сылдьара. Хас биирдии оҕо туохха дьоҕурдааҕын, талааннааҕын таба көрөн, инники
олоххо тардыһыьшарын өссө күөттээн, күүһүрдэн биэрэрэ. Ол оҕолоро үлэһит дьон
буолан баран, тус бэйэтинэн холобур көрдөрөн көҕүлээн үөрэппитэ диэн махтанан
ахталлар. Партиялаах буолан общественнай олоххо актыыбынай позициялааҕа. Ханна
үлэлээбит сирин ахсын пропагандист, лектор оҥороллоро. 1970 сыллаахха Сииттэҕэ
аҕыс кылаастаах оскуола дириэктэринэн ананан көһөн кэлбиппит. Сииттэҕэ сельсовет
бэрэссэдээтэлинэн тальшлан, 1973-76 сылларга үлэлии сылдьыбыта. 1977 сьшлаахха
Уус Алдаҥҥа көспүппүт. Кэптэнигэ сэбиэт бэрэссэдээтэлинэн анаммыта. Кэптэни-
гэ үс сыл олорбуппут. Араас өрүттээх үлэлэргэ ананан, ону чиэстээхтик толорбуту-
нан астынара, киэн тултара. Сүрэҕэр тута сылдьыбыт баҕа санаата дьэ туолан, 1980
сыллаахха төрөөбүт сиригэр Бэйдиҥэҕэ көһөн кэлбиппит. Манна кэлэн оскуолаҕа ди-
риэктэринэн, физика учууталынан, кэлин лаборанынан үлэлээбитэ. Уопсай ыстааһа
55 сыл. «Россия үөрэхтээһинин бочуоттаах үлэһитэ» үрдүк ааты 70 сааһын туоларыгар
иҥэрбиттэрэ.
«Үөрэнээччилэри иитэр учуутал», «Кэнэҕэски үөрэнээччилэр наставниктара», «РФ
норуотун үөрэҕириитин туйгуна», «СӨ үтүөлээх учуутала», «Учууталлар учууталлара»,
«СӨ Бочуоттаах бэтэрээнэ», «Уус Алдан улууһугар үөрэхтээһин сайдыытыгар киллэр-

136