Page 143 - Сэрии кэмин оҕолоро 2 кинигэ

ӨЛТӨХ нэһилиэгэ

үөрэтэн баайара. Кэргэнэ Мария Ильиничналыын сэттэ оҕону төрөтөн, ддтэн улаа-
тыннарбыттара. Оҕолор бары ыаллар, элбэх сиэннээхтэр.

Портнягина Анна Михайловна

Мин 1945 сыл ахсынньы 11 күнүгэр Саһылыкаан нэһилиэ-
гэр холкуос хотонун үлэһиттэрэ Портьгягин Михаил Иннокен-
тьевич, Заровняева Дария Алексеевна дьиэ кэргэнигэр бастакы
оҕонон төрөөбүппүн. Биирдии-иккилии сьшынан быысаһан 4
кыыс оҕо буолбуппут. 4 оҕолонуохтарыгар диэри бу ыал, хол-
куос туруу үлэһиттэрэ, бас билэр суопсунас сүөһүлэрэ суох
эбит, хамнас диэн суоҕа, үлэ күнэ дохуотунан сыл түмүгүнэн
төлөнөрө дииллэрэ. Элбэх кыра оҕолоох ыалга аҕабыт аймахтара
күүс-көмө буолбуттар. Аҕабыт балта Мэҥэ Хаҥалас Балыктаа-
ҕар Щукиннар кийииттэрэ эбит, ол эдьиийбит аах 1950 сыл са-
йын тэлиэгэлээх оҕуска тыһы тыһаҕаһы холбонон биһиэхэ ынах
буоллун диэн аҕалбыттарын олох чуолкай өйдүүбүн. Ол тыһаҕас тиҥэһэтигэр төрөөн,
Быйаҥнаах диэн ааттаах бары таптыыр ынахпыт этэ. Ити ынахпытын бу ахтыыга су-
руйарым тоҕоостоох, биһиги ыал олохпут уйгутун, аһын-үөлүн тэниппит эбит.
Мин кыра оҕо сааспыттан аһааҕырар, ыарытыйар эбиппин, ол иһин дьонум биэк-
сэллээх сиргэ бөһүөлэккэ Маҥан Өтөххө абаҕам Бүөтүрдээххэ олордон биэксэлгэ
эмтэнэр эбиппин. Ону баара ол Бүөтүр бырааттара Көстөкүүн, Дьэрэмэй сэлликкэ
ыалдьаллар эбит, хардары-таары диспансерга сытан эмтэнэллэрэ да ол ыарыынан
өлбүттэрэ. Онтон контактанан мин оскуолаҕа үөрэнэ киирэр кэммэр. 1953-55 сыл-
ларга, Томторго диспансерга эмтэммитим. Онон 1955-56 үөрэх сылыгар «0» кылааска
саҥа үөрэнэ киирбитим. 1963 с. Суотту оскуолатын бүтэрэн, холкуоска үлэлээбитим.
1965-66 с. Намнааҕы педучилищеҕа үөрэммитим да, ыатдьан Куома Чааскыҥҥа саха-
лыы эмтэнэн үтүөрбүтүм. Дьонум үөрэҕи да, хотон үлэтин да кыайыаҥ суох, дьэ тугу
гынан айаххын ииггэриҥ буолла диэн боппуруостууллара. Оҕо сааһым доҕоро кыыс
иис үөрэҕин бүтэрэн иистэнэн эрэр кэмэ этэ, онон кини нөҥүө ыйытатаһан уче-
ник-швеянан үлэҕэ киирбитим. Киэһэтин 9-с кылааска үөрэммитим. Иистэнньэн,
разряда суох буоллаҕына, хамнаһа алын кээмэйгэ көрүллэрэ, онон разряд ылаары икки
сыл Дьокуускайга иис үөрэҕэр үөрэммитим. Разрядтаах үлэм да ыарахаттардаах этэ.
олорор дьиэ суох, хамнас былаан туолуутунан, үксүн өрөбүлэ суох үлэ, сарсыардаттан
киэһээҥҥэ диэри биир миэстэҕэ олорон эрэн ктиеннэр хаппырыыстарын толоруу сы-
лаалаах этэ. Таҥаһы өтүүктээһин сыта-сымара, угаара күөмэйим ыарыытын хроничес-
кай көрүҥҥэ тиэрдэн, 1974 с. уурайарга күһэллибитим.
1974 с. алтынньыттан Орто Эбэҕэ интэринээт-оскуолаҕа солбукка иитээччинэн
киирэн, онтон 1977 с. иис уруогун учууталынан ананан, туох баар кыахпын-күүспүн
биэрэн, билиини-үөрэҕи кэҥэтэн бу оскуолаҕа үөрэнэ кэлбит оҕолорго олохторугар
туһалаах буолар иискэ, сатабылга уһуйааччынан уопсайа 36 сыл устата оҕолор тустары-
гар диэн биир санаалаах, үлэҕэ көхтөөх, үчүгэй кэлэктиипкэ үлэлээбит эбиппин диэн
астынабын. Үлэбин да олус сыаналаабыттара, ол курдук араас таһымнаах Почетнай
грамотатар элбэхтэр, «За вктад в развитие образования Усть-Алданского улуса» диэн
знагы 2010 сыл, «Почетнай гражданин Ольтехского наслега» диэн знагы 2016 с. туттар-
таабыттара.
Түмүкпэр үлэлээбит тэрилтэм кэлэктиибигэр доруобай, кэскиллээх олоҕу, үрдүк
ситиһиилэри, дьолу-соргуну баҕарабын. Кытаатыҥ дуу, ыччаттарым...
0 3 .0 3 .2 0 2 0 с.

139