Page 174 - Сэрии кэмин оҕолоро 2 кинигэ

I ӨСПӨХ нэһилиэгэ

Барыта 14 ыанар ынах, ньирэй, субай (биирдии киһиэхэ отуттуу), үс оҕус, икки ат.
Бу сүөһүлэрбитин кытта Бээрийэҕэ кыстаан баран, сайын ыһыах саҕана Бөрөлөөх
сайылыкпытыгар кэлбиппит. Билигин олорон санаатахпына, оҕо эрдэхпиттэн үлэҕэ
эриллэн, чэгиэн-чэбдик буолан тыыннаах орпутум. Оҕо сылдьан спортивнай күрэх-
тэһиилэргэ кыттарым. 15 саастаахпар пиэрибэй Маай бырааһынньыгар Эһэлээххэ
күрэхтэспитим: сүүрүүгэ, быаны көтүүгэ, кылыыга, куобахха, онно II—III миэстэлэри
ылаттаабытым. Мас тардыһыытыгар, тустууга I миэстэлэри ылбытым. Онтон ыла хас
сайын аайы ыһыахтарга тустар буолбутум. 1944 сыл Тэбиик нэһилиэгин ыһыаҕар кы-
тыннардылар. Онно Анна Федорова — Хонооһой Ааныската тустуута, сүүрүүгэ, мас
тардыһыытыгар иннин кимиэхэ да биэрбэтэҕэ. Мин кини кэнниттэн П-с миэстэни
ылан, 300 харчынан бириэмийэлэнэн үөрбүтүм аҕай.
18 саастаахпар Кыайыы ыһыаҕар Бороҕоҥҥо күрэхтэһиннэрэ киллэрдилэр. Ол
ыһыах билиҥҥи ветучасток аннынан ааһар Хос үрэххэ ыытыллыбыта. Тустууга Галина
Егоровна Находкина саба баттыы сатаабыта, миигиттэн икки бүк суон дьахтар кыай-
батаҕа, онон оройуоммар чемпионкалаабытым. Ити күрэхтэһиигэ Парасковья Михай-
ловна Гоголева Н-с миэстэ, Галина Егоровна Находкина III миэстэ буолбуттара.
Улуу Кыайыы ыһыаҕар бары көрүҥнэргэ наар бастакы миэстэлэри ылан, үс мүһэнэн,
100 харчынан, 10 миэтэрэ сиидэһинэн бириэмийэлэнэн, атаҕым сири билбэт буола
үөрэн дойдулаабыппын күн бүгүҥҥэ диэри умнубаппын.
Анна Алексеевна — I Өспөх нэһилиэгин ытык кырдьаҕаһа, Герой ийэ. Кини би-
лигин бочуоттаах сынньалаҥҥа саамай кыра оҕотугар Сардаана Петровнаҕа Дьокуус-
кай куоракка олорор. Барыта Бүөтүрүнээн 11 оҕону төрөтөн, көрөн-истэн, бүөбэйдээн
атахтарыгар туруоран үөрэттэрэн, ыал оҥортообуттара. 100 сиэннээх, элбэх хос сиэн-
нээх дьоллоох Герой ийэ, эбэ, хос эбэ. Анна Алексеевна билигин да оҕолоругар, сиэн-
нэригэр сүбэ-ама буола олорор.
Наҕараадалара: Сталин мэтээлэ, 1967 с. «Ийэ албан аата» уордьан III степенэ, 1968 с.
«Ийэ албан аата» уордьан II степенэ, 1970 с. «Ийэ албан аата» уордьан I степенэ,
1972 с. «Герой ийэ» уордьан, 1983 с. «Үлэ бэтэрээнэ» мэтээл, 1985 с. «Кыайыы 40 сыла»
үбүлүөйүнэй мэтээл, 1992 с. «1941-1945 сс. Аҕа дойдуну көмүскүүр Улуу сэрии кэмигэр
килбиэннээх үлэтин иһин» мэтээл, 1995 с. «Кыайыы 50 сьша» мэтээл, 1995 с. «Тыыл
бэтэрээнэ» бэлиэ, 2002 с «I Өспөх нэһилиэгин Бочуоттаах олохтооҕо», 2003 с. «Ветеран
ВОВ», 2005 с. «Кыайыы 60 сыла» мэтээл, 2010 с. «Кыайыы 65 сыла» мэтээл, 2015 с.
«Кыайыы 70 сыла» мэтээл, 2018 с. «СӨ ытык кырдьаҕаһа», 2018 с. Ил Түмэн бэрэссэ-
дээтэлин Бочуотунай Грамотата, 2020 с. «Кыайыы 75 сыла» мэтээл.

170