Page 171 - Сэрии кэмин оҕолоро 2 кинигэ

I ӨСПӨХ нэһилиэгэ

Сэрии кэнниттэн бүттүүн урусхалламмыт дойдуну атаҕар туруорууга, саҥа эйэлээх
олоҕу тутууга, ааспыт үйэ дьоно биһиги, сэрии кэминээҕи оҕолор, атахпытыгар туран,
эдэр эрчимнээх сааспытыттан үлэни өрө туппуппут, үлэттэн дьолломмуппут.
Холкуоска субан сүөһү көрүүтүгэр, онтон Партизан Заболоцкай аатынан сопхуос
Уһун Күөл огделениетыгар ыанньыксытынан үлэлээбитим. Оччотооҕу дьон үлэни
өрө тутан олус эппиэтинэстээхтик, үрдүк ирдэбиллээхтик үлэҕэ сыһыаннаһарбыт, ол
иһин да буолуо, эдэр ыанньыксыттарга наставнигынан сыһыарбыттара. 1975 сыллаахха
«Сардаҥа» ферма старшайынан ананан, социалистическай куоталаһыыга былааны то-
лорууга үрдүк көрдөрүүлэри ситиспиппит, 1982 сылаахха биир ыанар ынахтан 2000 кг,
1983 сылаахха 2011 кг үүтү ыаммыт былааны аһара толорбуппут. Бу үлэлиир сылларбар
«Сардаҥа» ферма үбүлүөйүнэй социалистическай куоталаһыы түмүгэр 1982, 1983 сс.
өйдөбүнньүк вымпелынан наҕараадаламмыппытын олус киэн тутта, астына саныыбын.
30-тан тахса сыл үлэлээн биэнсийэҕэ тахсыбытым.
Үлэлиир сылларбар үрдүк көрдөрүүлэрим иһин үгүс элбэх Бочуотунай грамотала-
ры, Махтал бэлиэ суруктары, дипломнары туттарбыттара. Биэнсийэҕэ тахсан баран
олохтоох библиотекаҕа техүлэһитинэн үлэлээбитим. 23 сиэннээхпин, элбэх хос сиэн-
нээхпин. 84 сааспар үктэнним.
Наҕараадалара: IX, XI пятилетка ударнига, 1975, 1978 сс. «Социалистическай куо-
талаһыы кыайыылааҕа», «Коммунистическай үлэ ударнига» анал бэлиэлэр, Улуу Кыа-
йыы 50, 60, 70, 75 сылларынан мэтээллэр, 1984 с. «Үлэ бэтэрээнэ», «I Өспөх нэһилиэ-
гин социальнай-экономическай сайдыытыгар кылаатын иһин», 2019 с. «45 лет совхозу
имени Партизана Заболоцкого» бэлиэлэр, 2020 с. «Сэрии кэмин оҕото» мэтээл.

Петрова Мария Васильевна

Мин 1944 сыллаахха тохсунньу 23 күнүгэр Бээрийэ нэһилиэ-
гэр Петров Василий Петрович уонна Петрова Елена Петровна
дьиэ кэргэннэригэр иккис оҕонон күн сирин көрбүтүм. Ыал-
дьар буолан кыайан үөрэммэккэ 8 кылааһынан бүппүтүм.
1965 сыллаахха Лыткин Михаил Михайловичка кэргэн тахсан
үс оҕоломмуппут, түөрт оҕону ииппиппит. Бороҕоҥҥо олорбут
сылларбар Гострахха экономиһынан, «Сельхозка» кассирынан,
ПМК-ҕа охраннигынан үлэлээбитим. Аҕыс сиэннээхпин, хос
сиэннэрдээхпин. Үлэлээбит сирдэрбиттэн грамоталардаахпын.
Үлэ бэтэрээнэбин, сэрии кэмин оҕотобун.

Стрекаловская Анна Гаврильевна
Анна Гаврҥльевна 1933 сьылаахха бэс ыйын 15 күнүгэр Тэбиик нэһилиэгэр дьадаҥы
дьиэ кэргэҥҥэ төрөөбүтэ. Ийэтэ — Ущницкая Анна Дмитриевна, аҕата — Стрекалов-
скай Гаврил Федотович. Бииргэ төрөөбүт алтыа этҥлэр. Дьоно тиийиммэт буоланнар
уонна аҕата сэриигэ баран, Ааныһы түөрт сааһыгар Уһун Күөлгэ Копырина Евдо-
кия Дмитриевнаҕа иитиэх биэртэрэ. Уоттаах сэрии саҕаланан. Ааныс кыра сааһыттан
үлэҕэ эриллэн барбыта. Аҕа дойду Улуу сэриитин сылларыгар сут кэмигэр тыылга оҕо,
дьахтар эрэ хаалан, оҕолор улахан дьону кытта тэҥҥэ үлэлиир этилэр.
От кэбиһиитигэр, сир паардааһыныгар оҕус сиэтээччи, ыһыыга ат сиэтээччи курдук
үлэлэри этинэн-хаанынан билбитэ.
Сайыҥҥы куйааска окко сылдьара, ону даҕаны үүммүт отторугар аһыҥка бөҕөтө
түһэн, от сүмэһинин барытын сиэн кэбиспит буолара, ону төрдүгэһин эрэ оттоон
муҥнаналлара. Аһыҥка элбэҕэ бэрт буолан, этэрбэстэрин оһо туолан хаалара, ынах

167