Page 172 - Сэрии кэмин оҕолоро 2 кинигэ

I ӨСПӨХ нэһилиэгэ

этэрбэстэрэ түгэҕэ тэстэн хаалан эрэйдиирэ, ону хатыҥ туоһун
быһан уган кэбиһэллэрэ. Уот кураан күннэр турбуттара, сэрии
сьшларыгар онно оҕус сиэтэн, бугул тиэйэн аҕалара, отторун
угаайылаан кэбиһэллэрэ.
Кыһыҥҥы өттүгэр сүөһү көрүүтүгэр сылдьыбыта. Ас-таҥас
кырыымчык буолан, тоҥор-хатар күннэр элбэх буолаллара.
Уһун Күөл эбэтин үөһээ халдьаайытыгар хотоннор, дьиэлэр
бааллара. Аһылыктара хара лэппиэскэни кытары суорат буолара
уонна бэс мас субатын сииллэрэ. Бэс субатын иккитэ буһаран
баран, бурдук сыыһын куталлара уонна кыра тар буккуйаллар
этэ. Ас-үөл олус кырыымчык этэ, ким даҕаны бэйэтин сүөһүтүн
өлөрөн сиирэ бобуулааҕа. Сокуон наһаа кытаанах, мээнэ саҥа-
рыллыбат, барыта куттал уонна кистэл кэмэ этэ.
Арыый улаатыыта Уһун Күөлтэн Бороҕоҥҥо атынан, оҕуһунан мас таһаллара. Кэн-
ники ыһыыга тыраахтарга се.члкаҕа булуук тардааччынан үлэлэлиирэ. 1947 сыллаахха
холкуоска бастаан субай көрөөччүнэн үлэлээбитэ.
1957 сыл Бээрийэҕэ көһөн барбыта, сут буолан онно от сии диэн бараллара. Онно
доҕорун, олоҕун аргыһын Васильев Николай Семеновиһы көрсөн, кэргэн тахсан ыал
буолбуттара. Бээрийэҕэ 1959 сылга диэри субай көрүүтүгэр сылдьыбыта. 1969 сылга
диэри оҕоҕо олорбута, бэйэтэ эмиэ ыарытыйар этэ.
1970 сыллаахха оскуолаҕа остуораһынан киирбитэ, 15 сыл үлэлээбитэ. Оччотооҕу
оскуолаҕа маһынан оттултар сэттэ кирпииччэ оһох баара. Бу оһохтору маһын мастаан,
кыстаан, үлэ бөҕөтүн көрсөллөрө уонна оскуоланы сууйара. Анна Гаврильевна Нико-
лай Семеновичтыын барыта алта оҕону төрөтөн, көрөн-истэн атахтарыгар туруоран ыал
оҥортоотулар. Ааныс Ньукулайынаан 53 сыл ньир-бааччы ыал буолан олорбуттара.
Уон биир сиэннээхтэр, элбэх хос сиэннээхтэр.
Билигин Анна Гаврильевна элбэх сиэн уонна хос сиэн эбэлээтэр эбэлэрэ буолан
Уһун Күөлүгэр олорор. Иллэҥ кэмигэр иистэнэрин сөбүлүүр, улууска даҕаны, нэһи-
лиэгэр даҕаны быыстапкаларга кыттар. Элбэх Бочуотунай грамоталарынан, дипломна-
рынан наҕараадаламмыта.
Наҕараадалара: «Тыыл бэтэрээнэ», «Үлэ бэтэрээнэ», «Маршал Жуков», «Сталин»,
«Улуу Кыайыы» 50, 55, 60, 65, 70, 75 сылларын мэтээллэрэ, «Улуу Кыайыы 75» бэлиэ,
«Саха сирэ-Россия», «Ийэ Албан аата» мэтээлтэр, «45 лет совхозу имени Партизана
Заболоцкого» бэлиэ, «Сэрии кэмин оҕото» мэтээл.

Лыткина Анна Алексеевна

Мин 1927 сьшлаахха 1 Өспөх нэһилиэгэр Кырдьаҕас Өтөххө
төрөөбүтүм. Аҕам Лыткин Алексей Николаевич — Бөҕө Буол-
дьай, ийэм Копырина Александра Ивановна диэн этилэр
Дьоммуттан барыта 14 оҕо төрөөбүтүттэн түөрт оҕо хаалбып-
пыт. Аҕыс саастаахпар тулаайах хааламмыт хараҕа суох эбэлээх
эһэбэр иитиллибиппин. 1942 сыл эһэлээх эбэм өлөннөр, соҕо-
тоҕун туран хаалбыппын. Убайым куоракка учуутал үөрэҕэр
3-с кууруска үөрэнэ сылдьар этэ. Икки ыанар ынахтаах этибит,
ону ньирэй курдук эмэ сылдьыбытым уонна дьонум саппан-
ньаҕа хаалларбыт үүттэрэ бөлөнөх буолбутун сии сылдьыбытым.
Дьонтон куота, саһа сылдьар буолбутум.
Кэнники убайым кэлбитигэр нэһиилэ туппуттара. Убайым
дьиэбит таһыгар кэлэн ыҥырбытыгар кэлбиппин, тыаҕа саспыт дьон саба түһэн ту-
тан ылбыттара. Онтон таайбар Копырин Константин Ивановичтаахха иитиллибитим.

168