Page 227 - Сэрии кэмин оҕолоро 2 кинигэ

СҮОТТУ нэһилиэгэ

Заровняев Октябрь Семенович

Мин 1943 с. балаҕан ыйын 27 к. Орто Бүлүү Хампа сэлиэнньэтигэр төрөөбүтүм.
Сэрии кэмигэр Бүлүү куоратыгар олорорбут. Аҕам — Заровняев Семен Тимофеевич,
ийэм — Заровняева Ирина Фшшпповна. Үөрэҕим орто профессиональнай. «Якутсель-
строй» ПМК тэрилтэтигэр үлэлээбитим.
Мин бастакы үлэбин армия кэнниттэн Бүлүү куорат таас тутуутуттан саҕалаабытым.
Онно арматурщигынан, бетонщигынан үлэлээбитим. Бүлүүгэ 10 сыл устата Ленин
уордьаннаах Богданов комсомольскай биригээдэтигэр үлэлээбитим. 1976 сылтан Уус
Алданнааҕы ПМК-ҕа биэнсийэҕэ тахсыахпар диэри үлэлээбитим.

Кривогорницына Пелагея Гаврильевна

Мин 1936 с. кулун тутар 11 күнүгэр уруккута Саһылыкаан
нэһилиэгэр Маҕан Өтөх диэн сиргэ 4 оҕолоох ыалга бастакы
оҕонон төрөөбүтүм. Сэрии буоларыгар 4 сааспын туолбуппун.
Мин кэннибиттэн 2 уол, 1 кыыс оҕо бааллара. Сэрии буолбуту-
гар аҕам Кривогорницын Гаврил Андреевич бастакы хомуурга
Нам байыҥкуомунан ыҥырыллыбыт. Ол гынан баран хараҕынан
сыыллан, үлэ фронугар Монголияҕа тиийэн тутууга үлэлээбит
үһү. Ийэм Ябловская Устинья Михайловна аҕабынаан иккиэн
Саһылыкаан төрүт дьоно этилэр. «Өлүнньэхтээх» холкуоска
Алыҥахтаахха олорбуппут.
Ийэм «Өлүнньэхтээх» диэн кыра холкуоска ынах ыаччы буо-
лан үлэлии сылдьан, 1944 с., уоттаах сэрии буола турдаҕына,
түөрт оҕону кэннигэр хаалларан олохтон ыалдьан туораабыта. Алыҥах диэн сиргэ
көмүллүбүтэ, билигин остуолбата да суох, сууллубута. 4 оҕо аҕата да, ийэтэ да суох хаал-
быппыт. Ону үтүө сүрэхтээх дьон: Неустроева Балааҕыс, Ылдьаана диэн кырдьаҕастар
баар буолан көрбүттэрэ. «Аҕалаахтар, аҕалара кэлиэр диэри», — диэн детдомҥа биэр-
бэтэхтэр.
Быраатым Володя 23 сааһыгар ыалдьан өлбүтэ. Икки кыралар утуу-субуу ийэлэрин
кэнниттэн анараа дойдуга барбыттара.
Сэрии сут-кураан буолан, ас-үөл суох, нуорма бурдуктарыгар бэс сутукатын, үөрэ
отун, ону-маны буккуйан уу хааһы сыыһа оҥостоллоро. Сайын ынах төрөөтөҕүнэ, үүт
сүүрдэннэр холбуур үүтү кыра куруусканан оҕолорго бэрсэллэрэ уонна үүт күүгэнэ
эмиэ үчүгэй ас буолара. Хата, 1944 сылтан син от, бурдук кыралаан үүнэн хоргуйуу
тахсыбатах.
Ньирэй, амынньыкы хомуйуута, уу баһыыта, кыра оҕолору көрүү — барыта сайылык
оҕолорун үлэлэрэ.
Мин 1943 с. Доҕолоҥ оскуолатыгар үөрэнэ киирбитим. Быраатым Володя эмиэ.
Онно холкуоһунай интэринээт баара, онно хааһы уонна лэппиэскэ сиирбит. Учуутат-
ларбыт Готовцева Мотрена Семеновна, Сыроватская Мария Егоровна диэн этилэр.
Интэринээккэ Заровняевтар диэн уоллаах кыыс оҕолоох ыатлар остуорастыыллара.
Ийэлии истиҥ сыһыаннаах, амарах сүрэхтээх үтүө да дьон сэрии ыар сылларыгар учуу-
татлаан, остуорастаан ааспыттара. Мин, ийэтэ суох буолан, наһаа истиҥник саныы-
бын. Биһиги, арыый улахаттар, маска, мууска, сууйууга, харбааһыҥҥа көмөлөһөрбүт.
Үөрэнэрбитигэр кинигэ, тэтэрээт, харандаас да кэмчи этэ. Хас да буолан уларса сыл-
дьан уочаратынан оһох аанын сырдыгар ааҕарбыт.
1945 с. Кыайыы буолла, сэрии бүттэ диэн кэпсээбиттэрэ. Дьоммут үөрүү-көтүү бөҕө
буолбуттара быһыылааҕа. Оҕолору оонньоппуттара. Алаас сыырын үрдүггэн төкүнүйэн
түһэ-түһэ оонньообуппут.

223