Page 251 - Сэрии кэмин оҕолоро 2 кинигэ

СҮОТТҮ нэһилиэгэ

Терентьева Любовь Павловна

Мин, сэрии кэмин оҕото, 1940 сыллаахха тохсунньу 14 күнү-
гэр Мэҥэ Хаҥалас оройуонун Хаптаҕай нэһилиэгэр холкуостаах
дьиэ кэргэҥҥэ төрөөбүтүм.
Сэрии сылларыгар туох да тиийбэт ыар кэм этэ. Ийэм, аҕам
холкуоска, кэнники сопхуоска тутаах үлэһиттэр этилэр. Сыра-
лаах үлэлэрин иһин Сталин мэтээлин ылбыттара. Абаҕам Те-
рентьев Егор Михайлович сэриигэ баран сураҕа суох сүппүтэ.
Биһиги, сэрии сьыларын оҕолоро, билигин 75 саастаах кыр-
дьаҕас дьоммут. Ахтан аастахха, сэрии саҕаланыытыгар кыра
сааспар тыаҕа Дьору диэн Хаптаҕайтан 2 көстөн тахса сиргэ
кыһыннары-сайыннары олорбуппут, алаас нөҥүө ферма баар
этэ, дьонум онно үлэлииллэрэ. Үс саастаахпар дьонум дьиэбэр
соҕотохтуу хаалларан, таһыттан хатаан үлэлии баралларын, онно ытыырбын, түннү-
гүнэн дьоммун кэтэһэрбин өйдүүбүн. Бурдук олох суох буолан, оҕолору кытта баа-
һынаҕа кутуйах хасааһын көрдөөн буллахпытына, сүрдээҕин үөрэрбитин өйдүүбүн.
Оскуолаҕа үөрэнэр сылларбытыгар холкуос араас үлэтигэр барытыгар эрдэттэн киэ-
һэ хойукка диэри улахан дьону кытта тэҥҥэ сылдьарбыт. Хаптаҕай, Майа оскуола-
тыгар оттук мас эрбиирбит, сааһылыырбыт. Хаптаҕайга үөрэнэрбэр үөрэх кэнниттэн,
ийэм ыанньыксыт буолан, таһырдьа саах балбаахтыыр этим. Суорунаҕа бурдук тардар-
га көмөлөһөрүм.
Оскуоланы бүтэрэн баран, Ленин аатынан сопхуоска фермаҕа, оҕуруокка икки
сыл үлэлээн баран, Бүлүү педучилигцетын бүтэрэн, 1964 сыллаахха Уус Алдан оро-
йуонун Суотту нэһилиэгин Хоноҕор бөһүөлэгэр оскуола-интэринээккэ учууталынан,
баспытааталынан, онтон детсадка баспытааталынан үлэлээн, 1990 сыллаахха биэнси-
йэҕэ барбытым. Аттестацияны ситиһиилээхтик ааһан, эрдэ «Үлэ бэтэрээнэ» мэтээ-
линэн наҕараадаламмытым. Үчүгэй үлэм иһин элбэх грамотанан наҕараадаламмытым.
Биэнсийэҕэ тахсан баран дэриэбинэбэр «Илгэ» фольклорнай ансаамбылга 25 сыл
сырыттым. Кытайга, Москваҕа кыттаммьгг лауреат аатын ылбыппыт, «За вклад в раз-
витие культуры Усть-Алданского улуса», «За вклад в развитие образования наслега»
диэн бэлиэлэринэн наҕараадаламмытым.
Кэргэним Николай Софронович Григорьев, сэрии кэмин оҕото, 1940 сыллаахха
олунньу 15 күнүгэр Горнай улууһун II Одуну нэһилиэгэр төрөөбүтэ. Аҕата Леонтьев
Софрон Устинович 1941 с. сэриигэ ыҥырыллыбыт, Дьокуускайга тиийэн ис тиибигэр
хаптаран ыадцьан өлөн хаалбыт. Онон ийэтэ икки кыра саастаах оҕотун бэйэтэ иип-
пит. 1948 с. ийэлэрэ иккистээн кэргэн тахсан, Суоттуга көһөн кэлбиттэр. Коля Кыһыл
Кырдал оскуолатыгар үөрэммит. «Сайынын оҕуруокка, окко улахан дьону кытта тэҥҥэ
киэһэ хойукка диэри үлэлиирбит», — диэн кэпсиирэ. Дьокуускайга автошколаны
бүтэрэн, 1960 сылтан Суоттуга биэнсийэҕэ тахсыар диэри 40 сыл устата суоппардаабы-
та. «Үлэ бэтэрээнэ» буолбута, элбэх грамотанан, «За работу без аварий» диэн бэлиэнэн
наҕараадал ам м ыта.
2015 с.

Федорова Мария Дмитриевна

Мария Дмитриевна 1937 сыллаахха от ыйын 20 күнүгэр I Өспөх нэһилиэгэр Уһун
Күөл бөһүөлэгэр «Кыһыл Сардаҥа» холкуоска төрөөбүтэ. Төрөппүтгэрэ Лыткин Дми-
трий Матвеевич, Лыткина Мария Ивановна, Уһун Күөл олохтоохторо. Сэрии кэми-
гэр 1946 сыл бэс ыйыгар диэри Уһун Күөлгэ олорбут. 4 кылаас үөрэхтээх. Суотту 14
№-дээх маҕаһыыныгар техүлэһитинэн үлэлээбит.

247