Page 248 - Сэрии кэмин оҕолоро 2 кинигэ

СҮОТТУ нэһилиэгэ

1965 с. Хабырыыс тырахтарыыстар куурустарыгар үөрэнэн, сайынын от оҕустаран,
кыһынын араас үлэҕэ сылдьан, холкуоска 12 сыл, онтон салгыы биэнсийэҕэ тахсыар
диэри 20-тэн тахса сыл «Лена» сопхуоска үтүө суобастаахтык үлэлээбитэ. Кэлин наар
хаппыыста ыһыытыгар сылдьыбыта. Бэйэтин кыра, хачаайы көрүҥэр сөбө суох үлэһит
бастыҥа, туппутун ыһыкгыбат, үтүө майгылаах, мас хайдыбытын курдук көнө киһи.
Нэһилиэк общественнай олоҕор активнайдык кыттар. Сахалыы тойуктуур, норуот
ырыатарын бэркэ ыллыыр буолара, үчүгэй куоластаах.
Олоҕун доҕоро Марина Егоровна эдэригэр сүөһү көрүүтүгэр холкуоска үлэлээбитэ.
Кэлин оҕолоро арыый улааппыттарын кэннэ киномеханик идэтин ылан, Хоноҕорго 19
№-дээх СПТУ-га бары кыаҕын ууран биэнсийэҕэ тахсыар диэри үлэлээбитэ. Үгүс саҥа
киинэни суһаллык аҕалан, бириэмэтигэр илдьэн, киносеть махталын ылара. Оччолорго
киинэ диэн дьону-сэргэни кулуупка мунньар искусство биир сайдыбыт көрүҥэ этэ.
Кини суолун батыһан, орто кыыс Мария киинэ мэхээнньигинэн эмиэ олус бэркэ хас
да сыл Хоноҕорго үлэлээбитэ.
Ыал ийэтэ Марина Егоровна — кыайыгас-хотугас, эрчимнээх үлэһит, дьиэ кэргэн
араас боппуруоһун барытын бэйэтэ быһаарар дьаһаллаах ийэ. Сайын сүөһүтүн отун
охсооччу эмиэ кини. Нэһилиэк общественнай олоҕор көхтөөхтүк кыттар, үгүс сыллар-
га түөлбэ начальнигынан эҥкилэ суох үлэлээбитэ. Аны бырааһынньык остуолун, саҥа
ыаллары холбуур сыбаайба бэртээхэй тамадаһыта, имитэн-хомутан уус тыллаах биһиги
Марыынабыт. Аны биир дьарыга — дуобат, саахымат. Нэһилиэк, түөлбэ, улуус күрэҕэ
кинитэ суох буолбат, өрүү миэстэлэһэр, арыт күүстээх оонньооччулары, маастардары
өмүтүннэрэн кыайан ылааччы. Сиэннэрэ Андрейдаах Лиза кини суолун солоон эмиэ
бэркэ оонньууллар, оскуола чиэһин көмүскүүллэр.
Онон эйэлээх, элбэх оҕолоох, сиэннэрдээх улахан дьиэ кэргэн ыал буолан олорбут-
тара хайыы-үйэ 48 сыла буолла. Нэһилиэккэ ытыктанар кырдьаҕас ыал сиэн бөҕөнү
көрөллөр, иитэллэр, чөл олохтоох дьиэ кэргэн буолаллар. Аҕалаатар аҕалара, эһэлээтэр
эһэлэрэ, үлэ бэтэрээнэ Гаврил Петрович ыам ыйын 28 күнүгэр 70 сааһын томточчу
туолла. Библиотека бастыҥ ааҕааччыта, сүрдээх кэпсээннээх, былыргыны-хойуккуну
барытын билэр, сурукка тиһэр.

Фаина Николаевна Ширяева
« М ү р ү са һ а р ҕ а т а » , 2 0 0 8 с., б эс ы йын 21 к ү н э

Татаринов Николай Максимович

Мин 1934 сыллаахха бэс ыйын 10 күнүгэр Уус Алдан оро-
йуонугар Суотту дэриэбинэтигэр Татариновтар диэн холкуос-
таах дьиэ кэргэнигэр күн сирин көрбүтүм. Ийэм — Ефроси-
нья Ивановна (1895 с.т.), аҕам — Максим Иванович (1889 с.т.).
Ийэм Ефросинья Ивановна кэпсиир буолара: «22-тэ оҕолом-
мутум, түөртэ оҕо куоппута, алтата эрэ ордон дьон буолбутта-
ра. Сороҕор оттуу сылдьан төрөөн, киэһэ оҕобун көтөҕөн тахсар
этим», — диирэ. Былыргы олох оннук ыарахан. Аҕабыт, Максим
Иванович, сылгыһыттаан баран. доруобуйата кыайбат буолан,
кыһынын почта таһара, сайынын окко үлэлиирэ. Кини 58 саа-
һыгар 1947 с. олохтон арахсыбыта. Ийэбит ыанньыксыттыы-
ра, дьоҥҥо этэрбэс тигэр буолара. Алта оҕотун улаатыннаран,
1987 с. 79 сааһыгар өлбүтэ. Мин оҕо сааһым сэрии ыар сылларыгар «Күрүөлээх« диэн
сайылыкка ааспыта. Сайынын от үлэтигэр кэбиһиигэ куруук оҕус сиэтэрим. Кэлин
атынан от оҕустарар буолбутум. Күһүн убайбын кытта бурдук быстарар этибит. Сэрии
саҕана ас-үөл, таҥас-сап суох буолан, үөрэххэ соччо-бачча кыһаммат этим, аһаабыт
киһи эрэ диэн санаалаах сылдьарым. Ол кэмҥэ арааһынай ыарыы буулуура, кыһыы-

244