Page 313 - Сэрии кэмин оҕолоро 2 кинигэ

ХОРО нэһилиэгэ

Хоро нэһилиэгэ

Аммосов Иван Семенович

Мин 1934 сыл ахсынньы 21 күнүгэр Эбэ халдьаайытыгар
төрөөбүт үһүбүн. Аҕам Семен Михайлович Аммосов актыыбынай
бассабыык, төлөннөөх коммунист киһи этэ. Ийэм Сергеева
Анна Степановна диэн тулаайах дьахтар этэ. Холкуостаах туруу
үлэһит.
Аҕа дойду сэриитэ саҕаламмыт күнүн аҕабытыттан истибитим,
үөрэнэр оскуолабытыгар туох эрэ түмсүү оҥорбуттара, аҕыйах
оҕо баара. Биир учуутал туран сэрии буолбутун аҕыйах тылынан
эппитэ. Онно туга армияҕа барааччылары Аччыгый эбэҕэ оҕо,
дьахтар батыһан бары атаарбыттара.
Онтон ыла олохпут байыаннай балаһыанньа киэбинэн
барбыта. Мин аҕабынаан соҕуруу үрэххэ Марфа диэн эдьиийбэр барбыппыт, сайылыкка
адьас сарсыарданан тиийбиппит. Кыратык сыта түһээт, ынахтары хомуйа барбыппыт.
Аны отууга хоно сылдьан окко туруннубут. Кырдьаҕас оҕонньоттор от охсоллор этэ.
Мин мунньууга, бугул түгэҕин хомуйууга көмө буолар этим. Сэрии кэмигэр оҕо сааһым
итинник ааспыта.
Сэрии бириэмэтигэр кыра оҕо, дьахтар бары үлэлиир этибит. Хас да сыл устата
кыра холкуостарга көмө оҥорбуппут, оччотооҕу кыра дьон күүс-көмө буолбуппут дии
саныыбын.
Билиҥҥи дьоллоох олох туһугар биһиги көлүөнэ сырабытын-сылбабытын биэр-
биппит. Тыыл, үлэ бэтэрээнэбин, Курбуһах нэһилиэгин Бочуоттаах олохтооҕобун.

Бурцева Харитина Михайловна

Мин 1931 сыл атырдьах ыйын 10 күнүгэр Хоро нэһилиэгэр
«Нэлим» холкуоска холкуостаах бааһынай кэргэнигэр
төрөөбүтүм. Дьонум элбэхтик оҕоломмуттара да, бары эрдэ өлөн,
мин соҕотоҕун хаатбытым. Ийэм Аммосова Марина Васильевна
Курбуһахтан төрүттээх. Аҕам Бурцев Михаил Николаевич Нэлим
олохтооҕо этэ. Клни мин 1,5 саастаахпар өлбүт. Ол кэнниттэн
ийэм «Кыһыл Агроном» холкуоска көһөн кэлбит холкуостаах,
3 оҕолоох огдообо киһиэхэ Орлов Влас Алексеевичка иккиһин
кэргэн тахсан Майаҕаска кэлбит. Онтон 5-тэ оҕолонор. Онон
кинилэр 9 оҕону көрөн-харайан атахтарыгар туруорбуттара.
Ийэм холкуоска ыанньыксыттаабыта. Аҕам холкуоска бэрэс-

309