Page 318 - Сэрии кэмин оҕолоро 2 кинигэ

ХОРО нэһилиэгэ

Готовцева Анна Романовна

Готовцева Анна Романовна 1936 сыллаахха муус устар
15 күнүгэр Байаҕантай нэһилиэгэр Табалаах диэн алааска
холкуостаах дьиэ кэргэҥҥэ күн сирин көрбүтэ. Аҕата Готовцев
Роман Егорович холкуоска от-мас, таһаҕас таһыытыгар үлэ-
лээбитэ. Ийэтэ Готовцева Анна Петровна 1937 сыллаахха оҕо-
лоноору күн сириттэн суох буолбута.
Мин хос эбэм бииргэ төрөөбүт иккиэлэр. Балтын Маргарита
Васильевнаны төрөөтүн кытта аҕата кыһалҕаттан дьоҥҥо иитиэх
биэрбит. Эбэм аҕатыгар хаалбыт. Сэрии саҕатанар сьшыгар 5
саастаах оҕо эбит. Атах сыгынньах биэс сааһыттан сарсыарда
эрдэ күн тахсыыта туран ынах хомуйар бостуук буолар. Тулаайах
буолан ким да этэрбэс тигэн кэтэрпэтэх, таҥаһа-саба барыта эргэ, чараас эбитэ үһү.
Атаҕа тоҥноҕуна, ынах сааҕар уган ириэрэрэ. Күһүн да, саас да буоллун хаардаахха
мэлдьи атах сыгынньах сылдьан ыраах алаастарынан, ойуур быыһынан ынахтарын
хомуйар эбит. Ол сылдьан ытыы-ытыы күнтэн-ыйтан үчүгэй олоххо олоруон баҕата
баһаам буолан ааттаһара, көрдөһөрө. Кыра кыысчаан аччыктыыр диэни этинэн-
хаанынан билэн, таптал сылаас тылларын хаһан да билбэккэ улааппыта. Аҕата биирдэ
эмит кэллэҕинэ эрэ сылаас тыллары истэрэ. Баттын олорор дьиэтигэр кэллэҕинэ, оһох
кэнниттэн таһаарбат, аһаппат эбиттэр. Аччыктаан ас сытын билэн, оһох кэннитгэн
сэрэнэн өҥөйдөҕүнэ, балтьгга көрө түһэн, аһынан добуоччу эти, лэппиэскэни ыстаан,
айаҕын иһигэр кистээн, сүүрэн кэлэн, эбэм ытыһын тоһуйдаҕына, аһын айаҕыттан
сүөкээн эдьиийин ытыһыгар биэрэр эбит. Оннук аһаан үссэнэр эбит. Хас ыал аайы
хамначчытынан сылдьан ыарахан, эрэйдээх оҕо сааһа ааспыта.
Аҕа дойду сэриитэ бүппүтүн кэннэ 10 сааһыгар оскуолаҕа үөрэнэ киирбит. Танда
оскуолатыгар интэринээт суох буолан, остуорас эмээхсиҥҥэ иитиллэн олорон үһүс
кылааска диэри үөрэммҥг.
Оскуоланы бүтэрэн баран, холкуоска бурдук тардааччынан үлэдээбит. Улаатан
баран, Сулус диэн бөһүөлэккэ көһөн барбыт. Уон сэттэ саастааҕыттан ыанньыксытынан
үлэлээбит. Эдьиийин Маайаны кытта бииргэ олорбуттар. Аҕата Роман Егорович 1960
сыллаахха өлбүт.
Хос эбэм Анна Романовна 1956 сыллаахха хос эһэбэр Крылов Николай Филипповичка
кэргэн тахсар. 1958 сыллааха Хатыҥ Сыһыыга көһөн кэлэн олохсуйбуттар.
Хос эбэм иккис дойду оҥостубут Хоро нэһилиэгэр, Майаҕас бөһүөлэгэр олохсуйан,
сайынын суруйааччы В.А. Протодьяконов-Кулантай төрөөбүт дойдутун, сайылыгын
өтөҕүн сөргүтэн хос эһэбинээн Николай Филипповичтыын олорбуттара. Эбэм
Анна Романовна илиитин араарбакка үтүө суобастаахтык, таһаарыылаахтык ньирэй
көрөөччүнэн, наставнигынан өр сылларга үлэлээн, үрдүк көрдөрүүлээх үлэтин
туоһулуур элбэх грамоталар, дипломнар, эҕэрдэ суруктар бааллар. Ол курдук хас да
төгүл «социалистическай куоталаһыы кыайыылааҕа», «чемпион ньирэй көрөөччү»
аалай ленталарынан, «Маастар-кыһыл көмүс илии» бэлиэнэн наҕараадатаммыта.
Бастыҥ кы.мыс онорооччу, ол туоһута «Уйгу кымыс» бэлиэ хаһаайката, Хатыҥ Сыһыы
ыһыаҕар «Далбар Хотун» күрэххэ кыайан «Уйгу быйаҥ» улахан чороонун бэлэх
туппута, нэһилиэгин обгцественнай олоҕор көхтөөхтүк кыттар, чиэһин көмүскүүр араас
таһымнаах кэнсиэртэргэ, бэстибээллэргэ, ыһыахтарга көстүүмнэри, ат киэргэллэрин,
чаппараахтары тигэр, ону таһынан кинини амтаннаах асчыт «Өбүгэбит аһын норуокка
тиэрдээччи» пропагандист быһыытынан билинэллэр.
Билигин хос эбэм Готовцева Анна Романовна 84 саастаах, 13 сиэннээх, 14 хос
сиэннээх, 1 хос-хос сиэннээх, бочуоттаах сынньалаҥҥа олорор.

314