Page 315 - Сэрии кэмин оҕолоро 2 кинигэ

ХОРО нэһилиэгэ

Кэлин оскуолаттан уурайан баран, 1946 сыллаахтан холкуоска хонуу үлэтигэр
барбытым. Сүөһү аһатарым, от тиэйэрим.
1947 сыл кыһыныгар МТС-ка долгучуок маһы атынан, оҕуһунан таснытым. Сытыган
Агшанан маспын таһарым. Онтон кэлин эмиэ кураан буолан, 1949 сыллаахха Нам
Салбан ыгар окко сылдьыбытым. Кыһынын сүөһү аһатарым. Онтон кэлин, ыал буолан
баран. үүт астааһыныгар 1958 сылга диэри үлэлээбитим.
1950 сыллаахха Нэлимтэн төрүттээх, сэрииттэн кэлбит, 4 убайдаах, онтон 2-тэ сэриигэ
баран өлбүт тулаайах уоллуун Тролуков Егордуун ыал буолан, 7 оҕону гөрөтөн-иитэн
атахтарыгар туруордубут. Ону таһынан эдэр сааһыгар бу олохтон туораабыт кыыспыт
икки оҕотун иитэн дьон оҥордубут. Дьөгүөр сэрииттэн кэлиэҕиттэн холкуос, сопхуос
араас үлэлэригэр илиитин араарбакка үлэлээн-хамсаан кэлбитэ. Өр сылларга тутуу
биригээдэтин салайан үлэлэтэн, Майаҕас, Чаран бөһүөлэктэригэр общественнай
объектары туппуттара. Кэлин сынньалаҥҥа тахсан баран дьиэ малларын оҥоруунан
дьарыгырбыта. 1996 сыллаахха 72 сааһыгар ыарахан ыарыытган бу олохтон туораабыта.
1958 сыл Майаҕаска начаалынай оскуола аһыллан онно остуораһынан киирбитим.
Бастаан 4 оһоҕу отто-отто кылаастары уонна көрүдүөрү сууйарым. Хамнаһым 27
солкуобай этэ. 1987 сылга диэри ити үлэттэн 29 сыл уларыйбакка үлэлээн бочуоггаах
сынньалаҥҥа тахсан тохтообутум.
Үтүө суобастаахтык үлэлээбиппин туоһулуур үөрэх управлениетыттан, оскуола
администрациятыттан элбэх Бочуотунай грамоталардаахпын, Махтач суруктар эмиэ
бааллар. «1941-1945 сс. Аҕа дойду Улуу сэриитин кэмигэр килбиэннээх үлэтин иһин»,
«Үлэ бэтэрээнэ» «Маршал Советского Союза Жуков», Кыайыы 50, 60, 65 сылларынан
мэтээллэрдээхпин, «Тыыл бэтэрээнэ» бэлиэлээхпин, «Ийэҕэ албан аат» уордьан-
наахпын.

Васильева-Стручкова устинья Ивановна

Мин Бээрийэ нэһилиэгэр 1938 сыллаахха тохсунньу 9 күнүгэр
төрөөбүтүм. Ийэм барахсан миигин төрөтөөрү бу орто дойдуттан
барбыт.
Аҕам Васильев Иван Азександрович кыайан көрбөт буолан
буоллаҕа, миигин иитиэххэ биэрбит. Сут саҕана, Тулуна
Байдыматыгар Васильев Григорий Васильевичка иитиллибитим.
Кыахтаах ыаллар буоланнар, мин аччыктааһыны билбэтэҕим.
Ииппит дьонум Томторго үөрэттэрбиттэрэ, нэһиилэ түөрт
кылааһы бүтэрбитим. Бээрийэ уолаттара окко сылдьалларын
өйдөөн хаалбыппын. Сэрии диэни турар турбат барыта билбитэ,
чахчы да ыарахан кэмнэр ааспыттара.
Хороҕо Стручков Николайга кэргэн тахсан хаһан кэлбиппин
өйдөөбөппүн. Олохпор үчүгэйдик олорбутум, араас үлэҕэ үлэлээн билигин кыра уолбар
Иван Николаевич Стручковка олоробун.
Оҕолорум бары бэйэлэрэ оҕолоох-уруулаах дьон. Григорий Николаевич Стручков
түөрт оҕолоох, 9 сиэннээх. Валентина Николаевна Петрова биир уоллаах, үс сиэннээх.
Владимир Николаевич 3 оҕолоох, 7 сиэннээх. Николай Николаевич 1 оҕолоох,
3 сиэннээх. Динара 2 оҕолоох. Иван Николаевич Стручков 3 оҕолоох.

311