Page 89 - Сэрии кэмин оҕолоро 2 кинигэ

МҮРҮ нэһилиэгэ

градскай олоҕун тухары суруйар. айар санаата баһыйан, аҕа көлүөнэ олоҕун, төрөөбүт
дойдутун — Өнөр нэһилиэгин төрүччүтүн үйэтитэн хаалларбыта.
Биһиги эйэ дэмнээхтик олорон икки оҕолоохпут, сиэннэрдээхпит, хос сиэн-
нэрдээхпит. Хомойуох иһин, аҕабьҥ бу күн сириттэн 2010 сььътаахха барбыта. Кыыспыт
Атласова Марфа Николаевна — Уус Алдан улууһун социатьнай хараттатын управление-
тыгар социальнай үлэһит, кэргэннээх, икки оҕолоох, икки сиэннээх, Мүрү нэһилиэ-
гин Бочуоттаах олохтооҕо, Саха Өрөспүүбүлүкэтин социальнай хараттатын туйгуна,
нэһилиэк сэбиэтин үс төгүллээх созывын депутата.
Уолум Черноградскай Владимир Николаевич кэргэннээх, икки оҕолоох, биир сиэн-
нээх, Саха Өрөспүүбүлүкэтин Арктика сайдыытын уонна хоту^у норуоттар дьыалала-
рыгар миниистирэ, Уус Алдан улууһун, Мүрү, Өнөр, Чэриктэй, Тулуна нэһилиэктэрин
Бочуоттаах олохтооҕо.

2021 с.

Шелковникова Мария Петровна

Мин 1934 сыллаахха арылыйар сүүрүктээх Алдан өрүс биэ-
рэгэр турар Чэриктэй нэһилиэгэр Варвара Михайловна, Петр
Анемподистович Шелковниковтар дьиэ кэргэннэригэр үһүс
кыыһынан күн сирин көрбүтүм. Бииргэ төрөөбүт атга кыыс
этибит.
Сэрии саҕана элбэх оҕолоох ыал буолан, олус эрэйдээхтик
улааппыппыт. Сут дьыл от үүммэккэ, ферма сүөһүтэ сутаан,
өрүс талаҕын сүөһүгэ кырбаан сиэтэллэрэ. Онно талах быһа
сылдьан, аҕабыт Петр Анемподистович тобугун унуоҕун сү-
гэнэн хайа охсубуга. Онон икки сыл устата суорҕаҥҥа-тэллэххэ
сыппыта. Ийэбит Варвара Михайловна фермаҕа ыанньыксы-
тынан, бостуугунан үлэлээбитэ. Кыракый кыргыттар ийэбити-
гэр көмөлөһөн, кыһынын көлүүр аттары аһатарбыт, бааһынаҕа
балбаах таһарбыт, сайынын оҕуруокка уу кутарбыт, сыыс ыраастыырбыт, оттоһорбут.
Аспыт суох буолан, бэс мас сутукатын суоракка былаан сиир этибит. Бары биирдии
оронноохпут, биирдии кырабыайкалаахпыт буоллар олус да мааны кыргыттар буолуо
этибит дэһэрбит.
Оскуолабыт бөһүөлэктэн үс биэрэстэлээх сиргэ турар этэ. Онно күн аайы сатыы
сылдьан үөрэнэр этибит. Сарсыарда бурдук тардан, киэһэ кэлэн баран, оттук маспы-
тын хайытан, кыстаан кэбиһэрбит.
Чэриктэй оскуолата икки эрэ кылаастаах этэ. Онон үс көстөөх Дүпсүн оскуолатыгар
салгыы үөрэнэ барбытым. Олорор сирбэр табыллыбакка. үөрэхпиттэн быстах, 2 сыл
тохтоон, холкуоска үлэлээбитим.
Олус кыра кыргыттар ыарахан үлэни үлэлиирбитин көрөн, кырдьаҕастар: «Наһаа
ыараханы үлэлэтэҕит, унуохтарыгар хаан туран хаатыа», — диэн ийэбитигэр харыһы-
йан этэллэрэ.
Сэрии кэнниттэн аҕабын кытары Бороҕоҥҥо кинотеатр тутуутугар мас таһыытыгар
сылдьыспытым. Дүпсүн оскуолатын 10 кылааһын бүтэрэн баран, хомсомуол путевка-
тынан төрдүө буолан, холкуоска ыччат ферматыгар ыанньыксыттаабыппыт, мин стар-
шайынан үлэлээбитим. Кэлин хомсомуолга сэкирэтээрдээбитим, дьахтар комитетыгар
бэрэссэдээтэллээбитим.
1961-64 сыллардаахха Чэриктэй начаалынай оскуолатыгар учууталлаабытым. 1965—
68 сс. Дьокуускайдааҕы педучилищеҕа үөрэнэн, иитээччи идэтин ылан Чэриктэй оҕо
саадыгар иитээччинэн үлэлээбитим.
1974 с. Бороҕоҥҥо көһөн киирэн баран, «Сардаана» оҕо саадыгар үлэлээбитим.

85