Page 24 - Сэрии инники күөнүгэр

ча улахан, айаҥҥа алдьаммат, буорту буолбат гына оҥоһуллубут)
посылкалар кэлбиттэрэ. Ордук доруобуйалара мөлтөх одолору күн
аайы балык арыытынан, сибиэһэй ыаммыт үүтүнэн хааччыйар,
детдомнар иитиллээччилэрин күҥҥэ үстэ аһатар (хайаан даҕаны
эбиэттэтэр) туһунан ССРС Совнаркомун дьаһала тахсыбыта. Сэ-
рии тулаайахтарын (оччолорго сэрии оҕолоро диэн өйдөбүл суоҕа)
бородууктанан хааччыйыы олох уустугурдаҕына олохтоох Совет-
тарга государство тыытыллыбат (неприкосновеннай) саппааһыт-
тан тиийэ туһанарга дьаһал баара диэн суруйаллар.
Партия, правительство сэрии сылларыгар сэллигинэн ыалдъар
нэһилиэнньэҕэ, оҕолорго кыһамньытынан интернакка, детдом-
нарга олорон билбит-туһаммыт киһи быһыытынан суруйабын.
Сэрии тулаайахтарын туһунан анаан суруйар былааннаахпын.
Сэрии кэнниттэн сэллик ыарыыны эмтээһин күүһүрбүтэ, нау-
ка саҥа ситиһиилэрин эмчиттэр киэҥник туттар буолан испиттэ-
рэ. Ол туһунан киэҥ кэпсэтии 1949 сыл атырдьах ыйын 20-22
күннэригэр буолбут республика эмчиттэрин VII съезтэрин үлэтит-
тэн көстөр. Эмчиттэр съезтэрэ (сэрии саҕанааҕы үлэ бэрээдэгэ
өссө уларыйа илигэ) киэһэ 8 чааска политическай сырдатыы дьиэ-
тигэр аһыллыбыта. Съезкэ эмп үлэһиттэрин уопсай соруктарын
таһынан анаан-минээн "Сэллик ыарыыны эрдэттэн сэрэтэргэ
уонна хирургическай эмтээһин" туһунан боппуруос дьүүлгэ турбу-
та. Бу боппуруоска хос дакылааттары РСФСР, Саха АССР үтүө-
лээх бырааһа М.Ф. Шепетов уонна Саха АССР үтүөлээх бырааһа
Г.М. Кокшарскай оҥорбуттара.
Съезкэ улахан этиини Саха АССР Министрдэрин Советын
председателэ Василий Андреевич Протодьяконов оҥорбута. Кини
бэйэтин этиитигэр улахан болҕомтону сэллик ыарыыны эрдэттэн
сэрэтиигэ, эмтээһиҥҥэ туһаайбыта. Туох ханнык иннинэ Василий
Андреевич дойду экономиката, олоҕо-дьаһаҕа сэрииттэн төһө да
айгыраатар ССРС 1949 сыллааҕы Государственнай бюджетыгар
доруобуйа харыстабылыгар сүдү улахан сумма — 21,8 млрд.
көрүллүбүтүн ыйбыта. Кини ордук Г.М. Кокшарскай тына сэл-
лигин хирургическай операция ньыматынан эмтээһинигэр тох-
тообута уонна Георгий Михайлович салайар сэллиги эмтиир
"Красная Якутия" санаторийа бу салааҕа улахан научнай, практи-
ческай киин буолуохтааҕын олус сытыытык туруорбута.
Санаторийга 1948 сылга кымыһынан эмтээһиҥҥэ 60 тыһ. тут-
тубуттарын, ол эрээри улахан кыахтаах санаторий коллектива на-