Page 25 - Сэрии инники күөнүгэр
P. 25
учнай-чинчийэр үлэни пропагандалааһыҥҥа конференциялары,
араас көрсүһүүлэри ыытан атын сэллиги эмтиир оройуоннааҕы
балыыһаларга, санаторийдарга үлэлиир специалистарга көмө
оҥорботун сэмэлээбитэ. Съезд сэллиги эмтиир балыыһалары, са-
наторийдары холбуур, онон специалистар күүстэрин түмэр, тэ-
рилтэ материальнай базатын бөҕөргөтөргө кыаҕы биэрэргэ сүбэ-
лээбитэ.
Дьэ итинник утумнаах, дьон туһугар кыһамньылаах дьаһаллар
түмүктэригэр сэрии кэнниттэн сэллик ыарыы тарҕанарын, дьон
олоҕор кутталы үөскэтэрин советскай система дьиҥнээхтик тох-
топпута. Ол эрээри ааспыт үйэ 80-с сылларыттан араас реформа-
лар, колхозтар, совхозтар, фабрикалар, заводтар бас билиилэрэ
ыһыллыытын-тоҕуллуутун түмүгэр нэһилиэнньэ, ордук тыа сирин
олохтоохторун таһыма биллэрдик намтаабыта. Сэллик ыарыы со-
циальнай уонна сыстыганнаах ыарыы буолан эмиэ көбөн тахсы-
быта. Ол туһунан республика бэчээтэ, ордук сахалыы тыллаах
хаһыаттар суруйууларыттан да билэбит.
Билигин олох-дьаһах арыый чөлүгэр түһэн иһэринэн бу кут-
таллаах ыарыы тарҕанарын тохтотор кыах үөскээн эрэр быһыы-
лаах.
Бу ыарыы аан дойду нэһилиэнньэтигэр улахан кутталлааҕын
быһыытынан Холбоһуктаах Нациялар тэрилтэлэрэ кулун тутар 24
күнүн сэллиги утары охсуһуу аан дойдутааҕы күнүнэн биллэрби-
тэ. Биһиги республикабытыгар сэллиги утары охсуһуу, сэрэтии
ыйа биллэриллибитэ. Бу кылгас ыстагыйабынан мин сэллиги ута-
ры охсуһуу хампаанньатыгар кыттыбыт курдук сананным.
СЭРИИ ТУЛААЙАХТАРА, ХАННАҔЫТЫЙ?
Ийэ дойдуну, норуоту, дьоллоох-соргулаах олоҕу тутар Совет-
скай Союһу хааннаах фашистартан көмүскуүр сэрии саҕаламмыта
68 сыла, Улуу Кыайыы 65 сыла чугаһаан иһэллэр. Ол үгүс хаан тох-
туулаах Улуу сэриигэ кыттыбыттартан ахсааннаах дьон хааллы-
лар, оннооҕор сэрии саҕаланыытын өйдүүр, оччолорго уончалаах эрэ
уолаттар, кыргыттар, 80 сааспытыгар чугаһаан эрэбит.
Мин оччолорго сэрии саҕаламмыт сыл күһүнүгэр Уус Алдан
оройуонун Танда 7 кылаастаах оскуолатын үһүс кылааһыгар үөрэ-
нэ киирбитим. Ийэм, аҕам эрдэ өлөннөр миигин иитэ ылбыт
таайым (ийэм бииргэ төрөөбүт убайа) Николай Гаврильевич Гого-
