Page 26 - Сэрии кэмин оҕолоро 1 кинигэ

БААТАБАЙ нэһилиэгэ

мииннэрэ?! Ханна да булан амсайбаккын ийэм минньигэс лэппиэскэтин, алаадьытын,
дьэдьэннээх, отонноох күөрчэҕин, хойуу суоратын, аҕам оҥорор саламаатын, ымдаа-
нын, кымыһын, бутугаһын.
Ити курдук оҕо сааспыт үлэ, үөрэх быыһыгар оонньоон, алааспыт күөх ньууру-
гар күөлэһийэн ааспыта. Үлэ, үөрэх быыһыгар лапталыырбыт, сасыһа оонньуурбут,
сөтүөлүүрбүт. Дьэдьэн, отон бустаҕына дьэдьэнниирбит, отоннуурбут.
Күөх халлаан урсунун чаҕылхай күнүн сылааһа, сайыҥҥы өҥүрүк куйаас, этиҥнээх
ардах, самыыр, кыһыҥҥы хаар, хахсаат тыал, силлиэ-буурҕа, тоһуттар тымныы — оҕо
сааспыт арахсыбат аргыстара.
Үлэҕэ кыра саастан мускуллан, эппит-сииммит эрчиллэн, унуохпут кытаатан улаат-
тахпыт...
Биһиги көлүөнэ оҕолоро — айылҕа бэлэҕэ. Үрдүкү айбыт айыыларбыт араҥаччы-
лааннар, киһи-хара буолан, үлэлээн, баччааҥҥа диэри олох олорон кэллэхпит. Олох
уйгутун уһансыбыппыт. Кэннибитигэр хаалларар ыччаттардаахпыт. Онон олох салҕа-
нарыгар, норуоппут симэлийэн сүппэтигэр төһүү күүс буоллахпыт.
Кэргэмминэн Сивцева Надежда Егоровна диэн буолабын. Билигин Бүлүү куораты-
гар олоробун. Бүлүү куоратын Бочуоттаах олохтооҕобун, үлэ бэтэрээнэбин, Учууталлар
учууталларабын, РФ норуотун үөрэҕириитин туйгунабын, СӨ үөрэҕириитин бочуоттаах
бэтэрээнэбин, Учууталлар уонна педагогическай общественность XI съезтэрин делега-
табын, «За вклад в развитии дошкольного образования РС (Я)», «Честь и достоинство
Вилюйской школы» знактар хаһаайыннарабын.

Соловьева Прасковья Петровна
Мин Уус Алдан улууһун Баатаҕай нэһилиэгэр 1935 сыл
атырдьах ыйын 3 күнүгэр Ньээккээйи диэн улахан алааска
төрөөбүтүм. Ийэм Белолюбская Парасковья Петровна, аҕам
Лугинов Петр Егорович эмиэ Ньээккээйи алааска төрөөбүттэр.
Ийэм 3 саастаахпар өлбүт, аҕабын сэрии буолбутугар хоту бул-
ка ыыппыттар. Оччолорго сорудах булгуччулааҕа, барыта фронт
туһугар этэ. Мин эһэм аахха хаалбытым. Сайын аймахтарбын
кэрийэрим. Сэрии бүтэр сылыгар оскуолаҕа интэринээккэ оло-
рон үөрэммитим. Саас ыам ыйын 12 күнүгэр кыайыы буолбутун
истибиппит. Физрукпут Тарскай Николай Николаевич суһаллык
линейка тэрийэн, кыайыынан эҕэрдэлээн уруй-айхал тыллары
эппитэ. Элбэхтик да ураатаабыппыт. Дьиҥнээх кыайыы улахан
үөрүүтэ, өрөгөйө онно этэ. Учууталларым үөрбүт сирэйдэрин
курдук үчүгэй дьүһүнү мин ханна да көрө иликпин. 2 күннээх өрөбүлү биллэрэл-
лэрин кытга биһиги дьиэбитигэр айаннаабыппыт. От-мас көҕөрөн эрэрэ. Сүүрэн иһэн
илиибитинэн мутукчаны ньиккэрийэн сиирбит хайдах эрэ кииһилэ курдук үчүгэйэ.
Аҕам хотуттан кэргэннээх, оҕолоох кэлбитэ. Ол ийэм ыарыһах буолан, төрдүс кылаас-
тан уурайан, «Молотов» холкуоска кыһын субай сүөһү көрүүтүгэр, сайын окко үлэ-
лиирим. Кэргэннэнэн баран ыанньыксытынан үлэлээбитим. 1956 сыллаахха ынахтан
ньирэйи араарыы айдаана буолбута. Оҕото суох ынаҕы хайдах ыахха сөбүй диэн кыр-
дьаҕас ыанньыксыттар аймаммыттара. Саас сайылыкка, сайын оторго, күһүн кыстыкка
көһүү, ити барыта бырааһынньык курдук үчүгэй түгэннэр этэ. Мин оччолорго эдэр
буоламмын ити сылларым олоҕум саамай дьоллоох кэмнэрэ этэ. Онтон 1964 сылтан
элбэх оҕолордоохпунан оскуолаҕа остуораһынан киирбитим. Оскуолабыт 8 кылаастаах
этэ. 1975 сылтан сиэннэрбэр көмөлөһөөрү детсадка хачыгаарынан үлэлээбитим. Детсад
сэбиэдиссэйэ Алексеев Петр Павлович диэн ирдэбиллээх салайааччы этэ. Дьиэ сылаа-
һын биир кыраадыска тутары модьуйара. 1982 сылтан детясляҕа ньээҥкэнэн үлэлээби-

22