Page 270 - Сэрии кэмин оҕолоро 1 кинигэ

ЛӨГӨЙ ьвһилиэгэ

Оскуоланы бүтэрэн баран, сайылыкка ыанньыксыттаабыт, ньирэй көрсүбүт. 1963
сыллаахха аҕабынаан Бурцев Иван Гаврильевичтыын ыал буолбуттара. Тулуна бөһүөлэ-
гэр олорбуттара. 1963-65 сс. дьааһылаҕа санитарканан үлэлээбитэ.
1966-77 сс. Кэптэни оҕо саадыгар ньээҥкэнэн үлэлээн элбэх ыччаты иитиигэ бэйэ-
тин сэмэй кылаатын киллэрбитэ. 1977 с. Лөгөй торговай предприятиетыгар оробуоча-
йынан биэнсийэҕэ тахсыар диэри үтүө суобастаахтык үлэлээбитэ.
Ийэлээх аҕам ыал буолан олорбуттара быйыл 55 сыла. Кыыстаах уол оҕолонон,
4 сиэннээхтэр, 4 хос сиэннээхтэр. Ийэм — үлэ ударнига, сэрии сылын оҕото.

Бурцева Мария Николаевна

Мин Хоро нэһилиэгэр Майаҕас бөһүөлэгэр 1938 сыллаахха ах-
сынньы 2 күнүгэр төрөөбүтүм. Аҕам Бурцев Николай Федорович
булчут, ийэм Гоголева Лукерия Михайловна ыанньыксыт этилэр.
Сэрии бириэмэтигэр сутаабыппыт, өлө сыспыппыт, аччык-
таан ороҥҥо сытан эрэ илиибин көтөҕөн баран өлбөт эбиппин
диэн эппиппин өйдүүбүн. Сиэмэ атаҕын быыкаайыгы түҥэп-
питтэрин сиэммит тыыннаах ордубуппут.
Сэрии бүтүүтүн саҕана оҕус сиэтэн бааһына хоруттарарбыт.
Окко сылдьан оҕус сиэтэр этибит. Сэрии бүппүтүн кэннэ оҕу-
руокка үлэлээбитим, кирпииччэ үктүүрбүт.
Кэптэни үлэһит уола, ырыаһыт, актыбыыс бастыҥа Роман
Петрович Бурнашевтуун үйэ аҥаарыттан ордук кэм олус эйэ-
лээхтик олорбуппут — олоҕум дьоло.
Оҕолорум сылаас сыһыаннарынан олоҕум салҕанар.

Васильева Анна Иннокентьевна

Мин 1941 сыл бэс ыйын 19 күнүгэр Туойа сайылык-
ка төрөөбүтүм. Сайылык илин баһыгар Хантаанньа аар-
тыгын анныгар халдьаайыга өтөх онно хойукка диэри баа-
ра. Онно түөртүүр ыам саҕана төрөөн, Охлопков Николай
Константинович-Култаас оҕо сылдьан соһуйан, «сүрэхпин
хайыппыт кыыс» диэн күлэрэ.
Аҕабыт Сысолятин Иннокентий Константинович — эдэр саа-
һыттан холкуос туруу үлэһитэ. Онтон кыра үөрэхтээх буолан
нэһилиэк сэбиэтигэр суруксуттаабыт, сүөһү ферматыгар сэбиэ-
диссэйдээбит. Ааллаах Үүҥҥэ таһаҕаска сылдьыбыт, кэлин
атыылааччы, сылгыһыт этэ. Сэриигэ ыҥырыллан баран улахан-
нык ыалдьан сыыйыллан төннөн кэлбит.
Ийэбит Никифорова Екатерина Николаевна, оҕо сааһыгар ийэтэ өлөн хаалан, ула-
хан дьиэ кэргэн түбүгэ кини санныгар сүктэриллибитэ: оҕо көрүүтэ, сүөһү-ас. Онно
эриллэн, кыайыылаах-хотуулаах үлэһит буолбута. Наар сүөһү көрүүтүгэр үлэлээбитэ,
эдэр сааһыгар «ударник» аатын ылбыта.
Ийэбит бииргэ төрөөбүт икки убайа сэрии хонуутугар охтубуттара. Убайа Охоноо-
һой кэргэн да, оҕо да суох. Хабырыыстан барбытын кэннэ уол оҕо төрөөн, Ганя диэн
ааттанан, аҕатын аатын үйэтиппитэ. Гаврил Гаврильевич оройуоҥҥа, өрөспүүбүлүкэҕэ
биллэр үлэһит буолбута, кыыстаах уол оҕоломмута.
Биһиги дьоммут ыал буолан аҕыс оҕоломмутгара. Сэрии кыһалҕалаах кэмигэр мин ин-
нибэр төрөөбүт икки уол оҕото өлөөхтөөбүт. Ийэбит олоҕун устата ыарахан үлэ, чугас дьо-
нун, оҕолорун аһыыта доруобуйатыгар охсон, баара-суоҕа 49 сааһыгар олохтон туораабыта.

266