Page 286 - Сэрии кэмин оҕолоро 1 кинигэ

ЛӨГӨЙ нэһилиэгэ

барарыгар мин иккибин ааспыт, быраатым сэттэ ыйдаах оҕолор
хаалбыппыт. Аҕабыт биһигини бииргэ төрөөбүт быраатын Пав-
лов Роман Тимофеевич дьиэ кэргэнигэр хаалларан аттаммыт.
Кэлин дьон кэпсиириттэн билбиппит, аҕабыт сэриигэ ыҥы-
рыллан барбытын кэннэ аҕыйах хонугунан быысаһан, Чурапчы
оройуонун байыаннай комиссарыттан сурук кэлбит: «Эн, икки
кыра тулаайах оҕолордоох эбиккин, онон сэриигэ ыҥырыллар-
тан босхолоноҕун», — диэн. Ол гынан баран, бу сурук биһи-
ги аҕабытын сиппэтэх, онон сэриигэ айаннаабыт. Дьылҕа Хаан
оҥоһуута оннук буоллаҕа...
1942 сыллаахха биһиги аҕабытын «сураҕа суох сүттэ» диэн
биллэрии сурук кэлбит.
Миигин, аҕабыт ханна сэриилэспитин, хайдах өлбүтүн, ханна көмүллэ сытарын бил-
бит киһи диэн санаа олоҕум устатын тухары аалара. Ол эрээри үтүө санаалаах дьонум:
военкомунан үлэлии сылдьыбыт күтүөтүм Алквиад Акимович Кириллин, гимназия
учуутала Лена Михайловна Свешникова, Волховскай уонна Киришскэй оройуоннар
военкомнара А. Зорин, оҕолорум, сиэним көмөлөрүнэн, 70 сыл устата санаа оҥосто
сылдьыбыт ыйытыкпар толору эппиэти ылан, аҕам көмүс уҥуоҕар үс көлүөнэ Павлов-
тар: улахан уолум Гриан, сиэним Ян буолан 2011 сыллаахха тиийэ сылдьыбыппыт.
А. Зорины кытта эрдэ кэпсэтэн тиийбиппит, онон сүрдээх эйэҕэстик көрүстэ, кэпсэт-
тэ, музейдарын көрдөрдө. Кабинетыгар «Книга памяти Ленинградской области» диэн
хас да томнаах кинигэлэр бааллара, онно «П» буукубаҕа «Павлов Степан Тимофеевич»
диэн сурулла сылдьарын көрөммүт үөрдүбүт, киэн туттуу кыыма сыдьаайда. Кэпсэ-
тиибит бүтүүтүгэр байыаннай комиссар А. Зорин подписьтаах, бэчээттээх «Кырдьык,
Павлов Степан Тимофеевич көмүллэ сытар сиригэр кыыһа Павлова Анна Степановна
сырытта» диэн ыспыраапка биэрдэ. Ол сэрии тулаайахтарыгар көрүллэр льготаҕа туһа-
лаабыта. Братскай могила сүрүн монуменыгар саха омук сиэринэн аҕабыт олорбут Ту-
лунатын буорун илдьэн куппутум, алаадьы, сибэкки дьөрбөтүн уурбуппут. Үс көлүөнэ
дьон кэлэн аҕабар, эһэбитигэр, хос эһэбитигэр эйэлээх олох иһин махтал тылларын
эттибит. Олох салҕанар...
Ииппит ийэм, убайбыт кэргэнэ Анна Егоровна Колодезникова доҕор оҥостоору
миигин эрдэ үөрэттэрэ биэрбэтэх эбит. Кыра эрдэхпиттэн дьиэ үлэтин толорон, бур-
дук тардан, лэппиэскэ оҥорон, дьоммун аһатар, отчуттар үлэлии барар астарын бэ-
лэмнээччи киһи буола улааппытым. Убайбыт Роман эмиэ сэриигэ ыҥырыллан, сураҕа
суох сүтэн, биһиги бырааппынаан иккистээн тулаайах хаалбыппыт. Убайдааҕым иип-
пит кыыстара, эдьиийим Лутинова Ирина Николаевна оччолорго Бороҕоҥҥо сэттис
кылааска үөрэнэрэ. Ииппит ийэбит өлбүтүн кэннэ үөрэҕин быраҕан биһигини көрө
дойдутугар төттөрү тахсыбыта. Онон эдьиийим Өрүүнэ көрөн-истэн улаатыннарбыта.
10 саастаахпар ньолобуой кылааска Томтор оскуолатыгар үөрэттэрэ киллэрбиттэрэ.
Төгүрүк тулаайах диэн, интэринээккэ ыланнар, үөрэнэн барбытым. 1952-1953 үөрэх
сылыгар Тулунаҕа 4 кылаастаах оскуола аһыллан, онно үөрэммитим. Ити сыл 14 саас-
пын туолан комсомолга киирбитим. 1953 сыллаахха Тулунаҕа төрдүс кылааһы бүтэрэр-
битигэр, Мүрүгэ киирэн экзамен туттарбыппыт. Экзаменнары этэҥҥэ туттаран, бэһис
кылааска Мүрү оскуолатыгар киирэммин онно онус кылааһы бүтэриэхпэр диэри интэ-
ринээккэ олорон үөрэммитим. 1959 сыллаахха оскуола кэнниттэн икки сыл төрөөбүт
дойдубар, Тулунаҕа, тахсан комсомольскай путевканан Хаптаҥатааҕы ыччат ферматы-
гар субай көрөөччүнэн үлэлии барбытым.
1961 сыл сайын туттарсаммын, Бүлүү педагогическай училигцетыгар үөрэххэ киир-
битим. 1963 сыллаахха студенческай олоҕум бэрт түргэнник элэстэнэн ааһан үлэ миэс-
тэтин ыйытан, Минпроска көрдөһүү сурук ыыттым: «Эдьиийим биэс кыра оҕолоох,
кэргэнэ ыадцьан эмкэ сылдьар, онон дойдубар хаалан үлэлиирбэр көҥүллээҥ», — диэн.
Хата, Лөгөй оскуолатыгар бастакы кылаастарга учуутал наада буолан, онно бастакы

282