Page 285 - Сэрии кэмин оҕолоро 1 кинигэ

ЛӨГӨЙ нэһилиэгэ

раадата үгүс. Олоҕун доҕоро Сэмэнниин кэлэр сыл бииргэ олорбуттара 60 сыла буолуо.
Кинилэр олохторун оҕолоро, сиэннэрэ киэргэтэллэр.
Семен Афанасьевич 84 саастаах, Лөгөй нэһилиэгин бочуоттаах олохтооҕо, «СӨ Ытык
кырдьаҕаһа» анал бэлиэ хаһаайына, о.д.а. элбэх наҕараадалардаах.
Семен Афанасьевич Мындаабаҕа тырахтарыыстар куурустарыгар үөрэниэҕиттэн
П. Заболоцкай аатынан холкуос, сопхуос тырахтарыыһынан үтүө суобастаахтык үлэ-
лээбит. Үлэтин сылларыгар пятилетка былааннарын болдьоҕун иннинэ толорон,
оройуон салалтатын, Тыа хаһаайыстыбатын уонна соҕотуопка министиэристибэтин
Бочуотунай грамоталарынан наҕараадаламмыт.
Сэмэн: «Сэрии кэмигэр, кэнниттэн кураан, сут буолан, кыра да буолларбын оһох
аттыгар муостаҕа сытыаралларын, «хоргуйан өлбүт» диэн кэпсэтэллэрин көрбүтүм,
истибитим. Аҕам хоргуйан өлүмээри «Аҥхайга» күһүн кэлбитэ. Балыктаан биһигини
өрүһүйбүтэ. Күөҥүгэ оҕо саада аһыллан, оҕолор өлөр өлүүттэн өрөһүллүбүппүт», —
диэн ахтар.

Охлопкова Аграфена Григорьевна

Мин 1937 сыллаахха олунньу 20 күнүгэр Уус Адцан улууһун
Лөгөй нэһилиэгэр төрөөбүтүм.
1941 сыллаахха баара-суоҕа 4 саастаах оҕо этим. Сэрии кэмин
оҕолоро оонньуу-көр диэни билбэтэхпит. Кыахпыт иһинэн ку-
руук көмөлөһөн үлэлиир буоларбыт. Дьоммут үрүҥ харахтарын
өрө көрбөккө үлэ үөһүгэр сылдьаллара. Ол курдук 6 сааспыттан
саҕалаан ийэбэр көмөлөһөн, борооску сааҕын күрдьэрим. Аны
туран иэдьэгэйдээх лэппиэскэ буһарыытын курдук эппиэтин-
эстээх үлэ биһиэхэ, оҕолорго, сүктэриллэр этэ. Аспыт куруук
кырыымчык буолара. Үксүн иэдьэгэйи хатаран баран, суоракка
былаан сиир этибит. Бэс үөрэтэ, хаан өһөҕө, балык баар буол-
лаҕына улахан үөрүү буолар этэ.
1953 сылтан 1971 сылга диэри холкуоска ньирэй, субай сүөһү көрүүтүгэр уонна ыан-
ньыксытынан үлэлээбитим.
1958 с. ньирэйдэрбин 100% тыыннаахтыы көрөммүн, оччотооҕу салалта Дьокуускай
куоракка ньирэй көрөөччүлэр слеттарыгар кыттарга путевка биэрбиттэрэ. Онно «Мо-
лодому передовику производства» диэн бэлиэнэн, бочуотунай грамотанан уонна сыа-
налаах бэлэҕинэн наҕараадаламмытым.
1964 с. САССР обкомун грамотатынан наҕараадатаммытым. 1966 с. «Отличник социа-
листического соревнования сельского хозяйства РСФСР» бэлиэ хаһаайына буолбутум.
1971 сылтан 1993 сылга диэри Лөгөй орто оскуолатын интэринээтигэр поварынан уон-
на иитээччи көмөлөһөөччүтүнэн бочуоттаах сынньаланҥа барыахпар диэри үлэлээбитим.
Үлэ бэтэрээнэбин. Лөгөй нэһилиэгин бочуоттаах олохтооҕобун.
Тохсуннъу 31 күнэ, 2020 с.

Павлова Анна Степановна

Мин 1939 сыллаахха кулун тутар 12 күнүгэр II Лөгөй нэһилиэгэр Христина Дми-
триевна Мигалкина, Степан Тимофеевич Павлов дьиэ кэргэннэригэр бастакы оҕо-
нон төрөөбүтүм. Биһиги аҕабыт 1941 сыллаахха атырдьах ыйын 15 күнүгэр Чурапчы
оройуонун байыаннай комиссариатынан ыҥырыллан, Кэйиҥи диэн алааска олорон,
«Кыһыл күүс» холкуоска үлэлии сылдьан, 23 саастааҕар сэриигэ барбыт. Ийэбит, 1941
сыллаахха тохсунньуга бырааппын оҕолоноот, ыалдьан өлөөхтөөбүт. Аҕабыт фроҥҥа

281