Page 288 - Сэрии кэмин оҕолоро 1 кинигэ

ЛӨГӨЙ ьвһилиэгэ

лыырга тиийэ үлэлээбит. Суопсунас сүөһүтүн көрбүт. 1956 сыллаахха холкуос чилиэнэ
буолан, субай сүөһү көрбүт, ыанньыксыттаабыт. 1957 сьшлаахха хомсомуолга киирэн
хомсомуолка Дуунньа кыыс буолбут. Хомустаахха Араҕаска ыччат-комсомольскай би-
ригээдэҕэ Анна Егоровна Борисова, Мария Николаевна Борисова, Мария Андреев-
на Алексеева буолан, бэрт таһаарыылаахтык үлэлээбиттэр. Хомсомуол тугу ыйарынан
өрүүтүн инники кэккэҕэ сылдьыбыттар. Оччолорго да ас-таҥас мөлтөҕө. Дойдуну чөлү-
гэр түһэрии ыар сыллара этилэр. Өрүүнэ, Матырыас диэн эмээхситтэр аһынаннар,
астарыттан бэрсэн аһаталларын махтана кэпсиир. Оччолорго сылга түөртэ көһөллөрө.
Араҕаска кыстаан, Уус Чаарбыгынан күһээн, сайынын Маладьаайыга сайылаан сүөһү
үлэтин ыараханын, ол эрээри көхтөөҕүн билбит. Хомустаахха сатыы тахсан кэнсиэргэ
кытталлара үһү. Мария, Анна үчүгэйдик ыллыыр эбиттэр. Ансаамбылга, хорга ыллаһа-
ра, үҥкүүгэ кыттара. 1960 сылтаахха Уһун Күөл үлэһит, көрсүө-көнө уолугар Николай
Гаврильевич Лыткиҥҥа эргэ тахсар. Икки үлэһит ыччат ыал буолбутугар бүтүн хол-
куос үлэһит дьоно үөрбүттэр. Оҕолоро Ульяна биэлсэр, Валялара икки үрдүк үөрэҕи,
Дариялара учуутал идэтин ылалларыгар күүс-көмө буолбуттар. Коля араас үлэлэргэ
үлэлээбитэ. Уон сэттэ сыл ыанньыксыт, алта сыл оскуолаҕа повардаан, уон биэс сыл
кулуупка остуорастаан бочуоттаах сыиньалаҥҥа тахсыбыт. Евдокия Афанасьевна —
сыана бэтэрээнэ, улуус култуурата сайдарыгар кылаатын кшшэрбит үлэ бэтэрээнэ.
Баайыы араас көрүҥүн баһылаабыт, кыбытык тигии ньыматынан араас көбүөрдэри ти-
гэр, куруһубалыыр буолан, нэһилиэк, сопхуос, улуус быыстапкаларыгар кыттар. Элбэх
сиэн, хос сиэн сытын ылан, үөрэ-көтө сылдьарын көрөн киһи эрэ сүргэтэ көтөҕүллэр.

Ульяна Бурнашева,
уопсастыбаннай кэрэспэдьиэн
Кэптэни

Павлова Елена Семеновна

1938 сьшлаахха от ыйын 19 күнүгэр төрөөбүт.
1958-1959 сыллардаахха сибиинньэ көрбүт. 1960 сыллаахха
бухгалтер куурсугар үөрэммит.
1961 сылтан Партизан Заболоцкай аатынан холкуос бухгал-
терынан киирэн, биэнсийэҕэ тахсыар диэри үлэлээбит. 1988 с.
биэнсийэҕэ тахсыбыт.
Ытык кырдьаҕас салгыы оҕо сааһын ахтар:
— Мин Улуу Кыайыыны уһансыбыт, 100 сааһын туолара 11
хонук эрдэ олохтон хомолтолоохтук барбыт, «Хорсунун иһин»
икки мэтээллээх уонна «Берлини Кыайыы иһин» мэтээллээх,
улуус бочуоттаах олохтооҕо С.Г. Павлов улахан оҕото буолабын.
Ийэбит Степанида Петровна 1942 сыллаахха үс кырбас кыыс-
таах аҕабытын сэриигэ атаараахтаабыт. Мин үс саастааҕым үһү. Аҕам 1942-46 сыл-
га диэри сэриилэһэн, Прагаҕа бааһыран, Венаҕа, Австрияҕа госпиталларынан эрэй
бөҕөнөн тыыннаах эргиллибит.
Аҕам кэлиитигэр Томторго иккис кылааска үөрэнэрим. М.А. Алексеева диэн аймаҕым
олорпута. Арай биир күн тэлгэһэҕэ тэлэгириэйкэлээх улахан киһи хаама сылдьан, миэхэ
утары кэлэн, кууһан, көтөҕөн, сыллаан барда: «Эн аҕаҥ буолабын», — дии-дии.
Кэптэнигэ кэлэн Чэҥэйгэ үөрэммэккэ олордохпуна, аймах киһибит Е.М. Олесов кэ-
лэн Чараҥайга салгыы үөрэттэрдэ. Онон наһаа махтанабын. Мүрүгэ аймахпар бастакы
уордьаннаах, холкуос бэрэссэдээтэлэ П.М. Павловтаахха олорон үөрэммитим. Оскуола
кэннэ икки сыл сибиинньэ көрүүтүгэр үлэлии сырыттахпына, суотчуг Н.К. Охлоп-
ков Төҥүлүгэ холкуоһунай оскуолаҕа булгаахтар үөрэҕэр ыытан идэбин таба тайанан,
28 сыл ааҕар-суоттуур эйгэҕэ үлэлээн, 35 сыл үлэ ыстаастанан биэнсийэҕэ тахсыбы-

284