Page 292 - Сэрии кэмин оҕолоро 1 кинигэ

ЛӨГӨЙ нэһилиэгэ

бастыҥа буолан, балтын көрөн-истэн баччаҕа кэлбит. Алта оҕотуттан эдьиийэ ула-
хан уолун бу аҕатыгар уонна Матрена Петровнаҕа ииттэрбит. Кыргыттара Людмила
Петровна Нафанаилова, Хабаровскайдааҕы юридическай институту бүтэрэн, олоҕун
сокуон үлэтигэр анаан, Булуҥ, Уус Алдан улуустарынан судьуйанан үтүө суобастаах-
тык үлэлээн сэттэ уонун туолар сылыгар ыар ыарыыттан олохтон туораабыт. Кини
икки кыыстаах, сиэннэрдээх. Людмила Петровна Рожина — СӨ социальнай сулуус-
патын туйгуна, Уус Алдаҥҥа инбэлииттэр уопсастыбаларын бэрэссэдээтэлинэн үлэ-
лээбит, «Улуус социальнай-экономическай сайдыытыгар кылаатын иһин» бэлиэлээх.
Бэртээхэй фотограф, үс уоллаах, элбэх сиэннээх. Кыыһа Клавдия Семеновна Канаи-
лова Бороҕоҥҥо промкомбинакка, бытовой комбинакка иистэнэн бочуоттаах сынньа-
лаҥҥа тахсыбыт. Соҕотох уолуттан үс сиэннээх.
Кыайыы буолбут сылыгар Матрена диэн улахан эдьиийэ оҕолорун кытта куораттан
Суотту сыһыытыгар көһөн тахсыбыт. Оскуолаҕа остуорастаабыт. Холкуостар холбоһуу-
ларыгар Кэптэнигэ көһөн кэлбиттэр. Матрена Петровна ыанньыксыттаабыт, субай
сүөһүнү көрбүт, үүт астаабыт. Үлэ ыарын көрсүбүт. От суох буолан, Нам улууһугар
тиийэ тахсан сүөһү көрбүт. Хонуу үлэһитинэн эмиэ сылдьыбыт.
Олоҕун доҕорун ол сылларга Даалыга атыыһытынан үлэлиир Гаврил Семенович Пе-
тухов диэн үлэ, сэрии бэтэрээнин Хаатты сайылыкка көрсөн, сөбүлэһэн, билсэн ыал
буолан олорбуттар. Гаврил Семенович онон 1949 сыл балаҕан ыйын 15 күнүгэр Ма-
тренатын Даалыга сүгүннэрэн аҕалбыт. 1952 сыллаахха бастакы оҕолоро Ганя төрүүр.
Гаврил Гаврильевич — уран тарбахтаах көмүс ууһа, норуот маастара. Кини оҥоһук-
тара Дьокуускайга М.Е. Николаев мусуойугар хараллан сыталлар. Арассыыйа араас
муннуктарын биллиилээх дьонугар көмүстэн оҥоһуктара, быһахтара, батыйата бэлэх-
тэммиттэрэ. Гаврил «СӨ уус-уран оҥоһуктарын сайдыытыгар кылаатын иһин» анал
бэлиэлээх. Кини олохтон туораабыта. Федора Семеновна диэн атах таҥаһын маастара
кыыһы кэргэннэнэн, элбэх оҕолоро, сиэннэрэ эһэлэрин олоҕун салгыыллар.
Гаврил Гаврильевич кэнниттэн Аҥгонина Гаврильевна Санкт-Петербурга олорбу-
та. Петродворцовай часовой собуокка үлэлээн, аҕатын туйаҕын хатаран, атыыһытынан
эмиэ үлэлии сылдьыбыта. Антонина уола, уус аймахтарын удьуордаан, соҕуруу художе-
ственнай училигцены бүтэрбитэ. Анал үөрэҕэ кэлин туһалыыра буолуо дии саныыбыт.
Антонина Санкт-Петербурга түөрт уон икки сыл олорон баран, алта уон биэс сааһыгар
ыалдьан олохтон туораабьҥа. Дойдутун буорун булларбыттарыттан Матрена үөрээхтиир.
Петр Гаврильевич орто анал үөрэхтээх. Биригэдьииринэн, оскуола завхоһунан үлэ-
лээн бочуоттаах сынньалаҥҥа тахсыбыт. Кэргэнэ Любовь Алексеевна ааҕар-суоттуур
эйгэҕэ өр сыл үлэлии сылдьар, СӨ муниципальнай сулууспатын бэтэрээнэ, Лөгөй
нэһилиэгин бочуоттаах олохтооҕо, улуус 2001 уонна 2004 сыллаах «Бастыҥ финансист»
анал аат хаһаайына. Сопхуос, олохтоох дьаһалта исписэлииһинэн үлэлээбитэ, билигин
да Лөгөй нэһилиэгин булгаахтара. Оҕолоро үрдүк үөрэҕи бүтэрбиттэрэ, анал үлэлээх
ыал дьон. Үс сиэннээхтэр.
Ефросинья Гаврильевна Скдяр — нуучча тылын учуутала, Францияҕа Лион куо-
ракка олорор. Үс оҕолоох. Оҕолоро үһүөн Франция үрдүк үөрэхтэрин бүтэрэн, эбии
үөрэнэллэр, үлэлииллэр. Саха сирин, аймахтарын кытары сибээһи тутуһаллар. Ефро-
синья биир тапталлаах сиэннээх. Матрена ыраах баар хос сиэниттэн күнэ тахсар.
Семен Гаврильевич — көҥүл тустууга ССРС маастара, СӨ үөрэҕириитин туйгуна,
Суотту орто оскуолатыгар оҕо спортивнай оскуолатын салаатын тириэньэрэ. С. Се-
менов, А. Тютрин уо.д.а. күүстээх, Аан дойду таһымнаах тустууктары бэлэмнээбит
чулуу тириэньэр. Кэргэнэ Ирина Михайловна — Суотту орто оскуолатын дириэктэрэ,
СӨ үөрэҕириитин үтүөлээх үлэһитэ. Үс оҕолоохтор. Кыра уол оскуолаҕа үөрэнэр, икки
улахан оҕолоро — идэлэнэн, үөрэхтэнэн дьоһун дьон. Биэс сиэн тапталларыгар угут-
танар дьоллоох дьиэ кэргэн.
Виктория Гаврильевна Кэптэнигэ ийэтин көрөн-истэн уола Никиталыын олорол-

288